१ इतिहास 26:26 - Sunuwar Bible

²⁶ शेलोमोथ नु आ लोक्‍बपुकी पिप दाऊदमी गेशो, खिं खिं ङा ठेयब मुरपुकीमी गेशो, हजार हजार लडाइ पाइब आन कप्‍तानपुकीमी गेशो नु सहे सहे ङा लडाइ पाइब आन कप्‍तानपुकीमी गेशो शोंप वोइक्‍तीके कोव़ब बाक्‍मा बाक्‍त।

१ इतिहास 26:26 ပူးပေါင်းရင်းမြစ်များ

२ सामुएल 8:11

पिप दाऊदमी मेको यो परमप्रभु यावे कली गेवा बाक्‍त। आ फ्रुशो रागी नेल्‍ल ङा सुन चांदी मोपा गेबाक्‍माक्‍त।

१ इतिहास 18:11

मिनु दाऊद पिपम मेको आ चाक्‍शो सुन नु चांदी के ग्‍योंब नेल्‍ल परमप्रभु यावे कली चढ़ेवा बाक्‍त। मेकोमी अर्को जात नेल्‍ल एदोम, मोआब, अम्‍मोनी, पलिस्‍ती नु अमालेकी रे चाक्‍शो सुन चांदी यो चढ़ेवा बाक्‍त।

१ इतिहास 22:14

गो शुश श्‍येत पा परमप्रभु यावे आ खिं सेल्‍चा कली मार वोइक्‍ता देंशा हना, लाख का टलेन्‍ट सुन, १० लाख टलेन्‍ट चांदी नु नाक्‍ने मचाप्‍चा ङा पा कांसा नु फलाम खेक्‍शा वोइक्‍ता‍मी। मारदे हना मेकेर शुश बाक्‍शो बाक्‍त। शी नु फुल्‍लुपुकी यो ठीक पा वोइक्‍तामी। गे अर्को यो तेम्‍चा माल्‍नेवे। टलेन्‍ट का ३४ किलो बाक्‍ब। १इतिहास २९:२

१ इतिहास 26:25

गेरशोम आ लोक्‍ब एलीएजर आ तौ रेहब्‍याह बाक्‍माक्‍त। मेको आ तौ येशायाह, येशायाह आ तौ योराम योराम आ तौ जिक्री नु जिक्री आ तौ शेलोमोथ बाक्‍मा बाक्‍त। १इतिहास २३:१७

१ इतिहास 26:27

मेकोपुकीमी लडाइम रोइश्‍शा चाक्‍शो मार मार परमप्रभु यावे आ खिंम चालेचा कली गेशो बाक्‍मा बाक्‍त।

१ इतिहास 28:21

परमप्रभु आ खिंमी गेय पचा कली चढ़ेब नु लेवी आन हुल हुल ठीक दुम्‍शो बाक्‍नीम। मिनु मेको गेय पचा कली शुश जोक्‍ब तुइक्‍ब नु ग्‍येरशो गेय पाइब गे नु बाक्‍नीम। मिनु ठेयब मुरपुकी नु मुर नेल्‍लेमी इ देंशो नेल्‍ल टीनीम” दे दाऊदम आ तौ सोलोमन कली देंमाक्‍त।

१ इतिहास 9:14

मिनु लेवी आ थर ङा मुर सु सु बाक्‍मा बाक्‍त देंशा हना, शेमायाह आ आफ हाश्‍शुब, हाश्‍शुब आ आफ अज्रीकाम, अज्रीकाम आ आफ हशाब्‍याह, हशाब्‍याह आ आफ मेरारी बाक्‍मा बाक्‍त।

२ इतिहास 23:8

मिनु चढ़ेब येहो-यादाम देंशो खोदेंशो पा लेवीपुकी नु यहूदा ङा मुरपुकी नेल्‍लेमी पामे बाक्‍त। मेको नेल्‍लेम नाइक्‍तीक नाक्‍ती गेय पाइब आंम मुर आन कली नु गेय थुम्‍शा नाइश्‍शो आन कली चाक्‍गमे बाक्‍त। मारदे हना चढ़ेब यहोयादाम सुइ आन कली मप्रोंइशो बाक्‍माक्‍त।

२ इतिहास 31:2

पिप हिज्‍कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्‍पदा बाक्‍त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्‍चा आ पर्बम चढ़ेचा, परमप्रभु यावे कली “गे रिम्‍शो पाइब बाक्‍नीनी” दे कुम्‍सो पा, ठेयब सेल्‍तीक कुम्‍सो नु परमप्रभु यावे आ बाक्‍तीक ङा लाप्‍चो आ ङोंइती गेय पचा कली आन पालो योक्‍शा गेशो बाक्‍त।

एज्रा 2:42

लाप्‍चो खाल पाइब सु सु बाक्‍तेक्‍म देंशा हना, शाल्‍लुम, आतेर, ताल्‍मोन, अक्‍कुब, हतीता नु शोबाइ आन चच युइ नेल्‍ल पा १३९ जना मुर बाक्‍तेक्‍म।

नेहेम्‍याह 12:45

चढ़ेब नु लेवीपुकीमी परमप्रभु आ देंशो खोदेंशो पा चोव़खेतीक गेय पाम्‍‍तेक्‍म। मिनु कुम्‍सो पाइब नु लाप्‍चो खाल पाइबपुकी यो दाऊद नु आ तौ सोलोमनमी देंशो खोदेंशो पा चोव़खेतीके गेय पाइब बाक्‍तेक्‍म।