१ इतिहास 26:1 - Sunuwar Bible

¹ मिनु लाप्‍चो खाल पतीक गेय पाइब सु सु बाक्‍मा बाक्‍त देंशा हना, कोराह आ खिं खिं ङा मुर आसाफ आ तौ रे कोराह आ तौ मेशेलेम्‍याह बाक्‍माक्‍त। २इतिहास ८:१४; २इतिहास ३५:१५

१ इतिहास 26:1 ပူးပေါင်းရင်းမြစ်များ

१ इतिहास 15:18

मिनु मेको आन नोले जकरिया, याजीएल, शेमीरामोथ, येहीएल, उन्‍नी, एलीआब, बेनायाह, मासेयाह, मत्तीथ्‍याह, एली-फेलेहु, मीक्‍नैयाह नु लाप्‍चो खाल पाइब ओबेद-एदोम नु यिएल आन कली योव़ेङमे बाक्‍त।

१ इतिहास 23:5

मिनु ४ हजार लाप्‍चो खाल पाइब दुम्‍चा माल्‍नीम। मिनु नोले ङा ४ हजार आं गेशो बाजापुकी ताप्‍शा, परमप्रभु यावे कली ठेयब सेल्‍तीक कुम्‍सो पचा माल्‍नीम” देंमाक्‍त।

१ इतिहास 25:31

मेको आ नेल्‍ल क्‍येङा नोले ङा बाजी रोमाम्‍ती-एजेर, आ तौपुकी नु आ लोक्‍ब आन नेंमी दुम्‍माक्‍त। मेको नेल्‍ल १२ जना बाक्‍मा बाक्‍त।

१ इतिहास 26:2

मेशेलेम्‍याह आ ङोंइती थिशो तौ जकरिया, आ माइला येदीएल, आ साइला जेबदीयाह, आ काइला याथ्‍नीएल,

१ इतिहास 26:9

मेशेलेम्‍याह आ तौपुकी नु आ लोक्‍बपुकी नेल्‍ल जोक्‍ब तुइक्‍ब मुर बाक्‍मा बाक्‍त। मेको नेल्‍ल १८ जना बाक्‍मा बाक्‍त।

१ इतिहास 6:37

सेफन्‍याह तहाथ आ तौ बाक्‍माक्‍त। तहाथ अस्‍सीर आ तौ बाक्‍माक्‍त। अस्‍सीर एब्‍यासाफ आ तौ बाक्‍माक्‍त। एब्‍यासाफ कोराह आ तौ बाक्‍माक्‍त। कोराह इज्‍हार आ तौ बाक्‍माक्‍त।

१ इतिहास 9:14

मिनु लेवी आ थर ङा मुर सु सु बाक्‍मा बाक्‍त देंशा हना, शेमायाह आ आफ हाश्‍शुब, हाश्‍शुब आ आफ अज्रीकाम, अज्रीकाम आ आफ हशाब्‍याह, हशाब्‍याह आ आफ मेरारी बाक्‍मा बाक्‍त।

२ इतिहास 23:19

येहो-यादाम मारेइ पा ग्रांग्रा दिशो दुम्‍शो मुर आन कली ओव़चा मगेचा कली परमप्रभु यावे आ खिं ङा लाप्‍चोम खाल पाइबपुकी वोइक्‍पदा बाक्‍त।

२ इतिहास 8:14

सोलोमन आ आफ दाऊदम ब्रेक्‍शो अरेशो लोव़ खोदेंशो पा, तेको चढ़ेबम गेना चढ़ेचा माल्‍बा, आन पालोम पतीक गेय नेल्‍ल देंशो बाक्‍माक्‍त। मिनु लेवीपुकीमी परमप्रभु यावे कली ठेयब सेल्‍तीक कुम्‍सो पचा कली नु चढ़ेब आन कली वारच पचा कली बाक्‍मा बाक्‍त। मिनु लाप्‍चो खाल पाइब आन कली आन हुल हुल पा योव़शा, तेको तेको लाप्‍चोम बाक्‍चा माल्‍दा मोपा वोइक्‍पाइश्‍शो बाक्‍माक्‍त। मारदे हना परमप्रभु आ मुर दाऊद मोदेंशो अरेशो बाक्‍त। १इतिहास २३:- १इतिहास २६:-

भजन संग्रह 44:1

परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५

भजन संग्रह 49:1

जात जात ङा मुर नेल्‍ले, नेनीन।

इजीकीएल 44:11

मिनु मेको लेवीपुकी आं बाक्‍तीकेम गेय पचा माल्‍‍नीम। मिनु आं खिं ङा लाप्‍चो खाल पाइब दुम्‍चा माल्‍नीम। मिनु आं खिंम गेय पचा माल्‍नीम। मेकोपुकीम मुर आन पर्बम चोशा चढ़ेतीक क्‍योरचा माल्‍‍नीम। मेकोपुकीम मुर आन कली वारच पा गेय पचा माल्‍नीम।