१ इतिहास 25:2 - Sunuwar Bible

² मिनु सु बाक्‍मा बाक्‍त देंशा हना, आसाफ आ तौ आन दाते ङा जाक्‍कुर, योसेफ, नेथन्‍याह नु अशारेलाह बाक्‍मा बाक्‍त। आसाफ मेको आन कली अरेब बाक्‍माक्‍त। आसाफमी पिप आ देंशो परमप्रभु यावे आ सोक्‍तीम ब्रीशो कुम्‍सो सेला बाक्‍त।

१ इतिहास 25:2 ပူးပေါင်းရင်းမြစ်များ

१ इतिहास 15:17

मोपतीके लेवीपुकीम योएल आ तौ हेमान नु आ खिं खिं ङा मुर बेरेक्‍याह आ तौ आसाफ, नु मेरारी आ तौ आन खिं खिं ङा मुर रे कुशायाह आ तौ एथान आन कली योव़ङमे बाक्‍त।

१ इतिहास 16:5

मेको आन ठेयब मुर आसाफ बाक्‍माक्‍त। मेको आ नोले ङा जकरिया, यिएल, शेमीरामोथ, येहीएल, मत्तीथ्‍याह, एलीआब, बेनायाह, ओबेद-एदोम नु यिएल ठेयब नु आइक्‍च तार पाइश्‍शो ताप्‍तीके नु सितार ताप्‍ब बाक्‍मा बाक्‍त। आसाफ बुप्‍केल ताप्‍ब बाक्‍माक्‍त।

१ इतिहास 25:1

दाऊद नु आ कप्‍तानपुकीमी आसाफ आ तौपुकी, हेमान आ तौपुकी नु येदुथून आ तौ आन कली परमप्रभु यावे आ सोक्‍तीम ब्रीशा आइक्‍च नु ठेयब तार पाइश्‍शो ताप्‍तीके नु बुप्‍केल ताप्‍चा कली योव़ङ‍मे बाक्‍त। मेको गेय पाइब आन नें ब्रेक्‍तमे बाक्‍त। १इतिहास १५:१९

१ इतिहास 25:3

येदुथून आ तौ नु गेदाल्‍याह, सेरी, येशायाह, शिमेइ, हशाब्‍याह नु मत्तीथ्‍याह ६ जना बाक्‍मा बाक्‍त। आन आफ येदुथून मेको आन कली अरेब बाक्‍माक्‍त। मेकोमी बीना ताप्‍शा परमप्रभु यावे आ सोक्‍तीम ब्रीशा “गे रिम्‍शो पाइब बाक्‍नीनी” दे ठेयब सेल्‍तीक कुम्‍सो पवा बाक्‍त।

१ इतिहास 25:6

मिनु आन आफोमी परमप्रभु यावे आ खिंम मेको नेल्‍ल आन कली बीना ताप्‍चा, तार पाइश्‍शो ताप्‍तीके ताप्‍चा नु बुप्‍केल ताप्‍चा कली शेंशो बाक्‍माक्‍त। पिपमी आसाफ, येदुथून नु हेमान आन कली दोपा अरेवा, मोपा पामे बाक्‍त।

१ इतिहास 25:8

मिनु मेकोपुकीमी गेना गेय पचा, दे बाजी आप्‍मे बाक्‍त। आइक्‍च नु ठेयब, शेंसीब नु शेंब खाल का ङा बाक्‍मा बाक्‍त। १इतिहास २४:३१

१ इतिहास 6:39

हेमान आ लोक्‍ब आसाफ आ ग्‍युरा गे बाक्‍शो बाक्‍माक्‍त। आसाफ बेरेक्‍याह आ तौ बाक्‍माक्‍त। बेरेक्‍याह शिमेआ आ तौ बाक्‍माक्‍त। १इतिहास १५:१७,१९

एज्रा 3:10

मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।

भजन संग्रह 73:1

परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। अय्‍युब २१:७

भजन संग्रह 74:1

परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?

भजन संग्रह 75:1

परमप्रभु, गो इन कली “गे आंइ कली रिम्‍शो पाइतीनी” देंनीकी। मारदे हना इन नें आ पर्बम नेंशो बाक्‍नीकी। मुरपुकीमी इन छक लाक्‍चा ङा गेय आ पर्बम लोव़ पना पन बाक्‍नीम। यसैया ४६:१३

भजन संग्रह 76:1

यहूदा आ रागीमी परमप्रभु कली तुइक्‍नीम। मेको आ नें इस्राएल रागीमी ठेयब बाक्‍ब।

भजन संग्रह 77:1

गो परमप्रभु कली “वारच पाइय्‍यीनी। आं लोव़ नेनीन” दे ठेयब सेंदा पा ब्रेत्‍ती।

भजन संग्रह 78:1

आं मुरपुकी, आं शेंशो लोव़ नेनीन। इन नोफा दाइश्‍शा आं लोव़ नेनीन।

भजन संग्रह 79:1

परमप्रभु, रागी रागी ङा मुरपुकी इन योव़शो रागीम जाक्‍तेक्‍म। मेकोपुकीमी इन खिं कली ग्रांग्रा दिशो सेल्‍तेक्‍म। यरूसलेम कली प्रेश्‍शा, फुल्‍लु देल्‍शो खोदेंशो सेल्‍तेक्‍म।

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

भजन संग्रह 81:1

आंइ कली सक्ति गेब परमप्रभु कली कुम्‍सो पने। ग्‍येरशा सोम्‍शा ठेयब सेंदा पा याकूब आ परमप्रभु कली कुम्‍सो पने।

भजन संग्रह 82:1

परमप्रभु आ मुर आन ग्रुम्‍तीकेमी बाक्‍शो बाक्‍ब। मेकोमी आ मुर आन दातेमी निसाफ पाइब। १राजा २२:१९

भजन संग्रह 83:1

“परमप्रभु, गे सिक्‍सी पा मबाक्‍कीन। मारेइ पने मचाप्‍ब खोदेंशो मदुमीन।

यसैया 3:6

मिनु मुर कामी आ खिं ङा मुर का कली ग्‍याइश्‍शा “इ के फेक्‍तीक वा बाक्‍ब। मोपतीके आंइ हुकुम पाइब दुमो। मिनु मेको ब्रेश्‍शो खिं नेल्‍ल इ अधिकारम बाक्‍नीम” देंब।