मिनु पिपमी मेको सिरी खन्ड के शी रे परमप्रभु यावे आ खिं नु आ बाक्तीके खिं कली क्रेसी ङा ग्याइक्तीक सेल्पदा बाक्त। मिनु कुम्सो पाइब आन कली बीना नु तार पाइश्शो ताप्तीक यो मेको शी के सेल्पदा बाक्त। मेको मोदेंशो पा सिरी खन्ड के शी गेना यो मचाक्शो बाक्मा बाक्त। मिनु मेना रे मुल सम्म यो गेनायो मतांइसीशो बाक्ब।
१ इतिहास 25:1 - Sunuwar Bible1 दाऊद नु आ कप्तानपुकीमी आसाफ आ तौपुकी, हेमान आ तौपुकी नु येदुथून आ तौ आन कली परमप्रभु यावे आ सोक्तीम ब्रीशा आइक्च नु ठेयब तार पाइश्शो ताप्तीके नु बुप्केल ताप्चा कली योव़ङमे बाक्त। मेको गेय पाइब आन नें ब्रेक्तमे बाक्त। १इतिहास १५:१९ အခန်းကိုကြည့်ပါ။ |
१ इतिहास 25:1
46 ပူးပေါင်းရင်းမြစ်များ
मिनु कोव़ङानु, पिप कली थाम आ नेक्था लाप्चोम राप्शा बाक्शो तवा बाक्त। मिनु कप्तानपुकी नु तुराही ताप्बपुकी पिप आ एर ओंथ बाक्शो बाक्मा बाक्त। मिनु मेको रागी ङा मुर नेल्ल पिप आ ङोंइती ग्येरशा, तुराही ताप्ना ताप्न बाक्शो बाक्मा बाक्त। मिनु कुम्सो पाइबपुकी ताप्तीक ताप्शा, मुर नेल्ल आन ङोंइती कुम्सो पना पन बाक्मा बाक्त। मिनु अथाल्याहमी आ वा खाक्शा, ठेयब सेंदा पा “गो नु रागी नेल्ल खतम! गो नु रागी नेल्ल खतम!” दे शुश गाइश्शा ग्रीमाक्त।
मिनु येहो-यादामी “दाऊदमी देंशो खोदेंशो पा परमप्रभु यावे आ खिं कोव़चा कली लेवी आ थर ङा चढ़ेब आन कली जिम्मा गेमी बाक्त। ङोंइती दाऊदम मोसामी ब्रेक्शो परमप्रभु यावे आ अरेशो लोव़ खोदेंशो पा कुम्सो पन पन ग्येरना ग्येरन परमप्रभु यावे कली चोशा चढ़ेतीक चढ़ेचा माल्नीम” दे अरेशो बाक्माक्त। २इतिहास ७:६; २इतिहास २९:१५-३०
पिप हिज्कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्पदा बाक्त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्चा आ पर्बम चढ़ेचा, परमप्रभु यावे कली “गे रिम्शो पाइब बाक्नीनी” दे कुम्सो पा, ठेयब सेल्तीक कुम्सो नु परमप्रभु यावे आ बाक्तीक ङा लाप्चो आ ङोंइती गेय पचा कली आन पालो योक्शा गेशो बाक्त।
दाऊद आ देंशो खोदेंशो पा आसाफ आ चच युइ कुम्सो पाइबपुकी आसाफ, हेमान नु पिप कली परमप्रभु यावे आ लोव़ पाइब येदुथून आन बाक्तीकेम बाक्मा बाक्त। पिप दाऊदम देंशो खोदेंशो पा मेकोपुकीम पामे बाक्त। लाप्चो खाल पाइबपुकीमी आन गेय प्रोंइचा ममाल्मा बाक्त। मारदे हना आन लोक्ब लेवीपुकीम मेको आन कली जचा थोव़क चाक्शा गेमे बाक्त। १इतिहास २५:-; १इतिहास २६:१-९
मिनु कुम्सो पाइब लेवी नेल्ल, आसाफ, हेमान, येदुथून नु मेको आन तौपुकी, मेको आन खिं खिं ङा वोंइश मुर नेल्ल रिम्शो पा किरशो श्येले रे प्रोव़शो सुती वा फेक्सीशा बुप्केल, ठेयब नु आइक्च तार पाइश्शो ताप्तीके कुरशा चढ़ेतीक आ पूर्ब गे राम्मा बाक्त। मिनु मेकोपुकी नु सहे का २० जना चढ़ेब यो बाक्मा बाक्त। मिनु मेकोपुकी चहिं तुराही ताप्ब बाक्मा बाक्त। १इतिहास १५:१९; १इतिहास १६:३७; १इतिहास १६:४१-४२
सोलोमन आ आफ दाऊदम ब्रेक्शो अरेशो लोव़ खोदेंशो पा, तेको चढ़ेबम गेना चढ़ेचा माल्बा, आन पालोम पतीक गेय नेल्ल देंशो बाक्माक्त। मिनु लेवीपुकीमी परमप्रभु यावे कली ठेयब सेल्तीक कुम्सो पचा कली नु चढ़ेब आन कली वारच पचा कली बाक्मा बाक्त। मिनु लाप्चो खाल पाइब आन कली आन हुल हुल पा योव़शा, तेको तेको लाप्चोम बाक्चा माल्दा मोपा वोइक्पाइश्शो बाक्माक्त। मारदे हना परमप्रभु आ मुर दाऊद मोदेंशो अरेशो बाक्त। १इतिहास २३:- १इतिहास २६:-
मिनु मीका आ तौ मत्तन्याह बाक्त। मीका आ आफ जब्दी बाक्त। जब्दी आ आफ आसाफ बाक्त। आसाफमी परमप्रभु कली पुंइची ना “गे रिम्शो पाइब ननी” दे ठेयब सेल्शा, कुम्सो पपाइक्ब बाक्त। मेको आसाफ आ नोले ङा शेंब आ लोक्ब बाकबुकीयाह बाक्त। मिनु शम्मुआ आ तौ अब्दा, शम्मुआ आ आफ गालाल, गालाल आ आफ येदुथून बाक्त।
मिनु लेवी आन ठेयब मुरपुकी हशाब्याह, शेरेब्याह नु कदमीएल आ तौ येशुआम परमप्रभु यावे कली ठेयब सेल्तेक्म। आन लोक्बपुकी परमप्रभु आ मुर दाऊदम देंशो खोदेंशो पा मेको आन आइक्ची गे राप्शा, पालो पा परमप्रभु यावे कली कुम्सो पा ठेयब सेल्तेक्म। मोपा कुम्सो पाइब आन हुल का एर गे नु हुल का ओंथ गे बाक्तेक्म। १इतिहास २५:-; २इतिहास २९:२५
मिनु यरूसलेम ङा गारो प्रोव़ने थुम्तीक चाड कली लेवी आन कली आन आन बाक्तीक तेइ तेइ रे माल्शा, यरूसलेममी चाक्तेक्म। मारदे चाक्तेक्म देंशा हना, गारो थुम्तीके परमप्रभु यावे आ ङोंइती ग्येरसीशा “गे रिम्शो पाइब ननी” दे ठेयब सेल्तीक कुम्सो पचा नु खैजडी, तार पाइश्शो ठेयब ताप्तीके नु बीना ताप्चा कली चाक्तेक्म।
मिनु नोले गे परमप्रभु आ डांडा गिबेआथ-एलोहीम जाक्नीसी। मेकेर लडाइ पचा कली बाक्शो पलिस्ती बाक्नीमी। मिनु गे मेको सहर ओव़तीसी हना, डांडा रे यिन यिन पशो परमप्रभु यावे आ लोव़ पाइब आन हुल का ग्रुम्नीसी। मेको आन ङोंइती मार मार ताप्तीके ताप्बपुकी गाक्शो बाक्नीम। मिनु मेकोमी परमप्रभु यावे आ लोव़ पाइनीम।
ကြော်ငြာတွေ