१ इतिहास 24:5 - Sunuwar Bible

⁵ मिनु आन दातेम बाजी आप्‍शा, आन हुल हुल सेल्‍मे बाक्‍त। मारदे हना एलाजर नु इथामार आस तौ आस खिं खिं ङा मुर नेल्‍ल खाल का ङा ठेयब मुर बाक्‍मा बाक्‍त। मेको नेल्‍ले परमप्रभु नु आ बाक्‍तीक ङा ठेयब मुर बाक्‍मा बाक्‍त।

१ इतिहास 24:5 ပူးပေါင်းရင်းမြစ်များ

१ इतिहास 24:31

मेकोपुकीमी पिप दाऊद, सादोक अहीमेलेक नु चढ़ेब आन खिं खिं ङा ठेयब मुरपुकी नु लेवी आ थर ङा मुर आन ङोंइती बाजी आप्‍मे बाक्‍त। खिं खिं ङा ठेयब मुर नु नेल्‍ल क्‍येङा आइक्‍च नेल्‍लेम खाल का ङा पामे बाक्‍त। मिनु गेना गेय पचा, दे यो बाजी आप्‍मे बाक्‍त। १इतिहास २५:८

१ इतिहास 24:4

मिनु इथामार आ खिं खिं ङा ठेयब मुर आन क्‍येङा एलाजर आ खिं खिं ङा मुर शुश बाक्‍शो बाक्‍मा बाक्‍त। मोपतीके एलाजर आ तौ आन खिं खिं ङा ठेयब मुर १६ जना आन कली हुल हुल सेल्‍मे बाक्‍त। इथामार आ तौ आन खिं खिं ङा ठेयब मुर ८ जना आन कली हुल हुल सेल्‍मे बाक्‍त।

१ इतिहास 25:8

मिनु मेकोपुकीमी गेना गेय पचा, दे बाजी आप्‍मे बाक्‍त। आइक्‍च नु ठेयब, शेंसीब नु शेंब खाल का ङा बाक्‍मा बाक्‍त। १इतिहास २४:३१

१ इतिहास 26:13

मिनु मेकोपुकीमी आन खिं खिं ङा मुर कली तेको लाप्‍चो खाल पचा, दे बाजी आप्‍मे बाक्‍त। खूशो नु ठिटा नेल्‍ल कली खाल का ङा पा बाजी आप्‍मे बाक्‍त।

१ इतिहास 9:11

अजारयाह आ आफ हिल्‍कीयाह, हिल्‍कीयाह आ आफ मेशुल्‍लाम, मेशुल्‍लाम आ आफ सादोक, सादोक आ आफ मेरायोथ, मेरायोथ आ आफ अहीतुब बाक्‍मा बाक्‍त। अहीतुब परमप्रभु आ खिं ङा नेल्‍ल क्‍येङा ठेयब मुर बाक्‍माक्‍त। १इतिहास ५:३८-३९

२ इतिहास 35:8

मिनु मेको आ सरकार ङा गेय पाइबपुकीमी थुं रे ग्‍येरशा मुर आन कली चढ़ेब नु लेवी आन कली मार मार गेमे बाक्‍त। परमप्रभु यावे आ खिं ङा ठेयब गेय पाइब हिल्‍कीयाह, जकरियामी नु येहीएलम, चढ़ेब आन कली पास्‍सा चाड कली हजार निक्‍शी ६ सहे क्‍यारश भेडा पाठा नु सहे सां ब्‍यफ गेमे बाक्‍त।

नेहेम्‍याह 11:11

हिल्‍कीयाह आ तौ सेरायाह, हिल्‍कीयाह आ आफ मेशुल्‍लाम, मेशुल्‍लाम आ आफ सादोक, सादोक आ आफ मेरायोथ, मेरायोथ आ आफ अहीतुब चढ़ेब बाक्‍तेक्‍म। मिनु अहीतुब परमप्रभु आ खिं ङा ठेयब मुर बाक्‍त। २राजा २५:१८; एज्रा २:२

हितोपदेस 16:33

मुरुम फेन्‍टे आप्‍शा, परमप्रभु यावे कली हिल्‍लो पाइनीम। मिनु परमप्रभु यावेमी लोव़ लेप्‍ब।

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

योना 1:7

मिनु डोंगाम गेय पाइबपुकीमी “सुम पतीके ओदेंब श्‍येत दुम्‍माइ, तुइक्‍चा कली चिङगा कोव़चा” देंमुशा, चिङगा कोव़ङमे बाक्‍त। चिङगा कोव़ङमेनु, योना आ नेंम ग्रूमाक्‍त। हितोपदेस १६:३३

मत्ती 26:3

मेना नेल्‍ल क्‍येङा ठेयब चढ़ेब काइयाफास आ खिंमी ठेयब चढ़ेब नु जोक्‍ब तुइक्‍ब खाल्‍पापुकी खुम्‍सीमा बाक्‍त। लूका ३:१-२

मत्ती 27:1

मिनु नां सोव़मेनु, ठेयब चढ़ेब नु जोक्‍ब तुइक्‍ब खाल्‍पापुकीमी येसु कली साइक्‍पाइक्‍चान, दे सल्‍ला पामे बाक्‍त।

प्रेरित 1:26

मिनु भोट तोक्‍गमे बाक्‍त। भोट तोक्‍गमेनु, मत्‍तीयस ग्रामाक्‍त। मोपा मत्‍तीयस यो सोइश्‍शो का दुम्‍शा तेम्‍सीशा, १२ जना सोइश्‍शो दुम्‍मा बाक्‍त। हितोपदेस १६:३३; निसाफ पाइब २१:१७

प्रेरित 4:1

मिनु पत्रुस नु यूहन्‍नामी मोदेंशो शेंना शेंन बाक्‍सानु, चढ़ेबपुकी, परमप्रभु यावे आ खिं ङा ठेयब मुर नु सदुकीपुकी जाक्‍मा बाक्‍त। लूका २७:४:५२

प्रेरित 4:6

मेना ठेयब चढ़ेब हन्‍नास बाक्‍माक्‍त। ङोंइती ङा ठेयब चढ़ेब काइयाफास, यूहन्‍ना नु अलेकजन्‍डर बाक्‍मा बाक्‍त। ठेयब चढ़ेब आन खिं ङा मुर यो शुश जाक्‍शो बाक्‍मा बाक्‍त। लूका ३:१-२

प्रेरित 5:24

मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।

यहोसु 18:10

मिनु यहोसुमी शिलोमी परमप्रभु यावे आ ङोंइती इस्राएली थर ङा खिं खिं ङा मुर आन कली मेको रागी योक्‍शा गेप्‍तु।