१ इतिहास 24:1 - Sunuwar Bible1 मिनु योव़सीशो हारून आ तौ चच सु सु बाक्मा बाक्त देंशा हना, आ तौ नादाब, अबीहु एलाजर नु इथामार बाक्मा बाक्त। १इतिहास २३:६; १इतिहास ५:२९ အခန်းကိုကြည့်ပါ။ |
१ इतिहास 24:1
16 ပူးပေါင်းရင်းမြစ်များ
पिप हिज्कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्पदा बाक्त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्चा आ पर्बम चढ़ेचा, परमप्रभु यावे कली “गे रिम्शो पाइब बाक्नीनी” दे कुम्सो पा, ठेयब सेल्तीक कुम्सो नु परमप्रभु यावे आ बाक्तीक ङा लाप्चो आ ङोंइती गेय पचा कली आन पालो योक्शा गेशो बाक्त।
सोलोमन आ आफ दाऊदम ब्रेक्शो अरेशो लोव़ खोदेंशो पा, तेको चढ़ेबम गेना चढ़ेचा माल्बा, आन पालोम पतीक गेय नेल्ल देंशो बाक्माक्त। मिनु लेवीपुकीमी परमप्रभु यावे कली ठेयब सेल्तीक कुम्सो पचा कली नु चढ़ेब आन कली वारच पचा कली बाक्मा बाक्त। मिनु लाप्चो खाल पाइब आन कली आन हुल हुल पा योव़शा, तेको तेको लाप्चोम बाक्चा माल्दा मोपा वोइक्पाइश्शो बाक्माक्त। मारदे हना परमप्रभु आ मुर दाऊद मोदेंशो अरेशो बाक्त। १इतिहास २३:- १इतिहास २६:-
नादाब नु अबीहु सीनै ङा गोरशो रागीम बेक्ताक्स। मारदे हना, मेको निक्शीमी परमप्रभु यावेमी मदुम्ब देंशो अर्को मी धूप चोतीकेम कुर पा, परमप्रभु यावे आ ङोंइती चढ़ेम्ताक्स। मिनु परमप्रभु यावे आ ङोंइती बेक्ताक्स। मिनु मेको आस के आल मबाक्म। मोपतीके आ तौ एलाजर नु इथामार निक्शीमी ला आस आफ आ ङोंइती चढ़ेतीक गेय पाम्ताक्स। लेवी १०:१-२
ကြော်ငြာတွေ