१ इतिहास 22:5 - Sunuwar Bible

⁵ मिनु दाऊदमी “आं तौ सोलोमन मुल सम्‍म आइक्‍च नु मतुइक्‍‍ब बाक्‍ब। परमप्रभु यावे कली सेल्‍शो खिं थम दारशो, रागी नेल्‍लेमी मिम्‍चा ङा पा नु ठेयब दुम्‍चा माल्‍ब। मोपतीके गो मेको सेल्‍चा कली मारेइ मारेइ ठीक पचा माल्‍नुङ” देंमाक्‍त। मिनु दाऊदम आ बेक्‍चा क्‍येङा ङोंइती मार मार शुश तेल्‍मी बाक्‍त। १इतिहास २९:१

१ इतिहास 22:5 ပူးပေါင်းရင်းမြစ်များ

१ राजा 3:7

मिनु मुल परमप्रभु यावे, आं परमप्रभु गे इन गेय पाइब, आं कली, आं आफ दाऊद आ पा ङा पिप सेल्‍तीनी। मो हना यो गो आइक्‍च आल का ला बाक्‍नुङ। मिनु गो दोपा लाङगा लचा माल्‍नुङा, दोपा जाक्‍चा माल्‍नुङा, मेको मतुइक्‍नुङ।

१ राजा 9:8

एको खिं ब्रेश्‍शा, फुल्‍लु देल्‍शो दुम्‍ब। मिनु नोले एकेर गाक्‍ब मुर नेल्‍ल छक लाक्‍नीम। मिनु मुरपुकीमी मेको तशा ‘मारदे परमप्रभु यावेमी एको खिं नु एको रागी कली ओं पवा, माइ?’ दे शुक्‍शी पाइनीम।

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

२ इतिहास 13:7

मिनु शोर गाक्‍शो मुरपुकी मेको नु बाक्‍शा, सोलोमन आ तौ रेहोबाम कली शुक्‍शी पाम्‍तेक्‍म। मेना रेहोबाम आइक्‍च बाक्‍माक्‍त। मोपतीके मारेइ पने मचाप्‍बा बाक्‍त।

२ इतिहास 2:4

मिनु मुल गो परमप्रभु यावे, आं परमप्रभु कली मान पचा, दे मेको कली खिं का सेल्‍चा दाक्‍नुङ। मिनु मेको खिं परमप्रभु यावे आ ङोंइती ब्रोव़शो रिना पाइश्‍शो धूप चोचा कली, मेकेर नाक्‍त किंत किंत ङा कोंइतीक शोब्‍ले हार हार पा चढ़ेचा कली, नाक्‍दो सुनी चोशा चढ़ेचा कली, नाइक्‍तीक नाक्‍ती, औंसी नाक्‍ती नु परमप्रभु यावेम, आंइ परमप्रभु गेना हना यो ‘मानेन’ दे इस्राएली आन कली गेशो चाड मानेचा कली जिम्‍मा गेचा दाक्‍नुङ।

२ इतिहास 2:5

गो आं सेल्‍चा चिक्‍शो खिं थम ठेयब नु रिम्‍शो खिं दुम्‍चा माल्‍ब। मारदे हना आंइ परमप्रभु देवी देवता नेल्‍ल आन क्‍येङा ठेयब बाक्‍ब।

२ इतिहास 2:8

गे आं कली यो लेबानोन ङा लाइश्‍शो रवा आ शी नु लेबानोन ङा अरु रवा आ शी सोइक्‍तीनी। मारदे हना इन लेबानोन ङा मुरपुकीम रिम्‍शो पा शी ख्रोइक्‍स जोक्‍ब बाक्‍नीम, दे गो तुइक्‍नुङ। आं गेय पाइब इन गेय पाइब नु गेय पाइनीम।

२ इतिहास 7:21

मिनु एको खिं आ पर्बम मार देंनीमी? मुल ठेयब दारशो बाक्‍ब। तन्‍न नोले एको लां रे गाक्‍ब मुर नेल्‍ल छक लाक्‍शा ‘मारदे परमप्रभु यावेम एको रागी नु एको खिं ओदेंशो सेला?’ दे हिल्‍लो पाइनीम। ब्‍यवस्‍था २९:२३-२८; येरमीया २२:८-९

एज्रा 3:12

परमप्रभु यावे आ ङोंइती ङा खिं तशो चढ़ेबपुकी, लेवीपुकी नु आन खिं खिं ङा ठेयब मुर नु अरु खाल्‍पापुकी परमप्रभु यावे आ खिं ङा जग वोइश्‍शो तशा, ठेयब सेंदा पा ङाक्‍‍तेक्‍म। मिनु अरु मुर चहिं ग्‍येरशा ठेयब सेंदामी रेयके पाम्‍तेक्‍म। हाग्‍गै २:३

हितोपदेस 4:3

गो यो आं आफ नु बाक्‍शो बाक्‍ती। गो आं ममा आ दाक्‍शो तौ बाक्‍ती।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

यसैया 64:11

आंइ योव़शो नु दारशो, आंइ किकी पिपपुकीमी इन कली ठेयब सेल्‍शो खिं मीम ग्रोइक्‍त। आंइ दाक्‍शो खिं नेल्‍ले ब्रेन्‍ने थुम्‍तेक्‍म।

इजीकीएल 7:20

मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।

हाग्‍गै 2:3

‘इन दाते ङा सु सुमी परमप्रभु यावे आ ङोंइती ङा खिं आ दारस तनी? मुल एको खिं दोदेंशो तांइसीबा? मार, एको मदारशो तांइसीबा? दे हिल्‍लो पावो’ ” देंत। एज्रा ३:१२

हाग्‍गै 2:9

मोपतीके एको खिं आ मुल ङा दारस क्‍येङा नोले ङा दारस शुश रिम्‍शो दुम्‍ब। मिनु एकेर आसीक शुश गे‍नुङमी” दे मुर नेल्‍ल आन परमप्रभु यावेमी देंत।

लूका 21:5

काबु मुरपुकीमी “परमप्रभु यावे आ खिं ठेयब नु दारशो सेल्‍शो बाक्‍त” देंमा बाक्‍त।

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 3:30

मेको ठेयब दुम्‍चा माल्‍ब। गो चहिं आइक्‍च दुम्‍चा माल्‍नुङ।

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६