१ इतिहास 22:2 - Sunuwar Bible

² मिनु दाऊदमी “इस्राएलम बाक्‍ब अर्को रागी ङा मुर आन कली बुक्‍कीन” दे अरेवा बाक्‍त। मिनु मेको आन कली परमप्रभु आ खिं सेल्‍चा कली फुल्‍लु ख्रोइक्‍तीक गेय गेमी बाक्‍त।

१ इतिहास 22:2 ပူးပေါင်းရင်းမြစ်များ

२ सामुएल 5:11

टायर ङा पिप हीराममी आ लोव़ कुरब आन कली दाऊद आ बाक्‍तीके सोइक्‍ता बाक्‍त। हीरामम लेबानोन ङा लाइश्‍शो रवा आ शी नु शी सेल्‍ब नु गारो प्रोव़ब यो सोइक्‍ता बाक्‍त। मिनु मेकोपुकीम दाऊद कली खिं का सेल्‍मे बाक्‍त।

१ राजा 6:7

खिं सेल्‍मेनु, फुल्‍लु खांनीमीन ख्रोद‍मे बाक्‍त। मेको खिं सेल्‍मेनु घन, खा नु मारेइ फलाम के या आन रेयके मनेंसे बाक्‍त।

२ राजा 12:12

मेकोपुकीमी मेको क्‍येट गारो प्रोव़ब, फुल्‍लु ख्रोइक्‍ब नु शी नु ख्रोइश्‍शो फुल्‍लु ग्‍याप्‍चा कली गेबाक्‍मा बाक्‍त। मिनु मेको क्‍येट परमप्रभु यावे आ खिं ङा बिग्रेशो सेल्‍चा कली नु परमप्रभु यावे आ खिं ङा अरु मार मार लेंशा सेल्‍चा कली चलेबाक्‍मा बाक्‍त।

२ राजा 22:6

मेकोपुकीम परमप्रभु यावे आ खिं ङा बिग्रेशो लेंशा सेल्‍चा कली शी सेल्‍ब, गारो प्रोव़ब नु मार मार सेल्‍ब आन कली गेमेक्‍ल। मिनु शी नु ख्रोइश्‍शो फुल्‍लुपुकी ग्‍याप्‍मेक्‍ल।

१ इतिहास 14:1

टायर ङा पिप हीराममी आ लोव़ कुरबपुकी दाऊद आ बाक्‍तीकेम सोइक्‍ता बाक्‍त। मेको कुरब मुर नु दाऊद आ खिं सेल्‍चा कली लेबानोन ङा लाइश्‍शो रवा आ शी, गारो प्रोव़ब नु शी के गेय पाइब सोइक्‍तीमी बाक्‍त।

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

२ इतिहास 2:16

गो इन माल्‍शो शी नेल्‍ल लेबानोनम तिम्‍नीकी। मिनु फ्रेंशा योप्‍पा सहर सम्‍म ठेयब समुन्‍द्र रे पा सोइक्‍नीकी। मिनु गे मेकेर रे यरूसलेम सम्‍म ल‍तीन” दे चिठी ब्रेक्‍शा सोइक्‍ता बाक्‍त।

२ इतिहास 2:17

मिनु सोलोमनम इस्राएलम बाक्‍शो अर्को रागी ङा मुर आन कली हिक्‍पाइक्‍मी बाक्‍त। ङोंइती आ आफ दाऊदमी मुर आन कली हिक्‍पाइश्‍शो बाक्‍माक्‍त। मुल मेकोपुकी लाख का ५३ हजार ६ सहे वोंइश मुर बाक्‍मा बाक्‍त। १इतिहास २२:२

एज्रा 3:7

मिनु मेकोपुकीमी गारो प्रोव़ब नु शी के गेय पाइब आन कली क्‍येट गेम्‍तेक्‍म। मिनु पारसी ङा पिप कोरेसमी देंशो खोदेंशो पा सीदोन नु टायर ङा मुर आन कली लेबानोन ङा लाइश्‍शो रवा आ शी समुन्‍द्र रे पा योप्‍पा सम्‍म चाक्‍चा कली जचा तूचा थोव़क नु तेल गेम्‍तीमी। १राजा ५:१६-२५

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३