१ इतिहास 22:18 - Sunuwar Bible

¹⁸ परमप्रभु यावे, इन परमप्रभु गेपुकी नु बाक्‍ब। मेकोमी इन रागी नेल्‍लेमी काइ लडाइ मदुपद। इन थुं नाइक्‍पाइश्‍शा वोइक्‍तु। मेकोमी एको रागी ङा मुर आन कली आं गुइमी गेशो बाक्‍त। मारदे हना परमप्रभु यावेमी एको रागी ङा मुर आं गुइम गेती। मेको रागीपुकी परमप्रभु यावे नु आ मुर आन सासनमी वोइक्‍तु। १इतिहास २३:२५

१ इतिहास 22:18 ပူးပေါင်းရင်းမြစ်များ

२ सामुएल 7:1

मिनु पिप आंम खिंम बाक्‍म नोले, परमप्रभु यावेम मेको कली आ एर ओंथ ङा जोरी सत्रु नेल्‍ल आन रे नाइक्‍चा गेवा बाक्‍त।

१ इतिहास 22:9

गे तौ का थीनेवे। मेको लडाइ मपाइब मुर दुम्‍ब। गो मेको आ एर ओंथ ङा जोरी सत्रु नेल्‍ल आन कली लडाइ मपपाइक्‍नुङ। मिनु मेको आ नें सोलोमन दुम्‍चा माल्‍ब। आ सासन पची ना, गो इस्राएलम लडाइ मदुम्‍पाइक्‍थु रिम्‍शो पा बाक्‍चा गेनुङ।

१ इतिहास 23:25

मिनु दाऊदमी “परमप्रभु यावे, इस्राएली आन परमप्रभुमी आ मुर आन कली थुं नाइक्‍चा गेशो बाक्‍ब। मिनु परमप्रभु यरूसलेम सहरम गेना हना यो बाक्‍ब।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 20:4

मारदे हना परमप्रभु यावे, इन परमप्रभु इन जोरी सत्रु नु लडाइ पा इन कली ग्रापाइक्‍चा कली गेपुकी नु लाइब’ देंचा माल्‍ब।

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

यहोसु 22:4

मुल परमप्रभु यावे, इन परमप्रभुमी आ देंशो खोदेंशो पा इन लोक्‍ब आन कली नाइक्‍चा गेशो बाक्‍त। मुल गेपुकी परमप्रभु यावे आ गेय पाइब मोसामी इन कली यर्दन आइक्‍ची हांबु गेशो इन खिं खिं लेतीन। हिब्रू ४:८

यहोसु 23:1

मिनु शुश नाक्‍त नोले परमप्रभु यावेमी इस्राएली आन कली आन जोरी सत्रु रे पा प्रोंइशा, नाइश्‍शा बाक्‍चा गेप्‍तु। मेना यहोसु खाल्‍पा दुम्‍शा, शुश बर्स दुम्‍शो बाक्‍‍त। यहोसु २१:४४

१ सामुएल 25:28

इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६