१ इतिहास 21:7 - Sunuwar Bible

⁷ मिनु परमप्रभु दाऊद आ पशो तशा, गाइक्‍ता बाक्‍त। मिनु इस्राएली आन कली सजाइ गेवा बाक्‍त १इतिहास २७:२४

१ इतिहास 21:7 ပူးပေါင်းရင်းမြစ်များ

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ सामुएल 21:14

मेकोपुकीम सावल नु आ तौ योनाथन आस रुश बेन्‍यामीन आ थर आन रागी ङा जेला सहर सावल आ आफ कीश आ तुरसुम थिम्‍मे बाक्‍त। पिपमी मेको आन कली मार मार देंमे, मेको पामे बाक्‍त। मेको नोले परमप्रभुम रागी आ पर्बम पुंइशो लोव़ नेना बाक्‍त। २सामुएल २४:२५

२ सामुएल 24:1

मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।

२ सामुएल 24:10

मिनु नोले दाऊद मुर आन कली हिक्‍शो आ पर्बम आ थुं मनुमाक्‍त। मिनु दाऊदमी परमप्रभु यावे कली “गो मुर आन कली हिक्‍शा ठेयब पाप पाता। मुल परमप्रभु यावे, इन वाइल आ मरिम्‍शो पशो क्‍याम्‍दीन। मारदे हना गो थम मूर्ख गेय पाता” देंमाक्‍त। २सामुएल १२:१३

१ राजा 15:5

मारदे हना दाऊदमी परमप्रभु यावे आ ङोंइती ठीक पशो बाक्‍माक्‍त। मेको परमप्रभु यावे आ देंशो रे एर ओंथ मपवा बाक्‍त। मेकोमी हित्ती उरीयाह कली मरिम्‍शो पशो ङा लाक्‍शा अरु मारेइ मरिम्‍शो मपवा बाक्‍त। २सामुएल ११:-; २सामुएल १२:९

१ इतिहास 21:14

मोपतीके परमप्रभु यावेमी इस्राएल रागीम बेक्‍चा ङा रोइ पपाइक्‍मी बाक्‍त। मिनु ७० हजार बेक्‍मा बाक्‍त।

१ इतिहास 21:6

तन्‍न योआबमी लेवी आ थर ङा मुर नु बेन्‍यामीन आ थर ङा मुर आन कली महिक्‍मी बाक्‍त। मारदे हना योआबमी पिप आ हुकुम पशो कली काइ मदाक्‍ता बाक्‍त।

१ इतिहास 21:8

मिनु दाऊदम परमप्रभु कली “गो मोदेंशो पा ठेयब पाप पाता। मुल इन गेय पाइब आं दोस क्‍याम्‍दीन। मारदे हना गो थम मरिम्‍शो पाइब दुम्‍ती” देंमाक्‍त।

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:13

बोक्‍को। मुर आन कली आं ङोंइती ठीक सेल्‍पतो। मिनु मेको आन कली गे दीसा कली परमप्रभु यावे आ ङोंइती ठीक सेल्‍सीन। मारदे हना परमप्रभु यावे, इस्राएली आन परमप्रभुमी इन दातेमी खतम सेल्‍चा माल्‍शो थोव़क बाक्‍नीम। मेको मग्रुंइताक्‍वी हना, इन जोरी सत्रु क्‍येङा ग्राने मचाप्‍‍नीनी। यहोसु ३:५

यहोसु 7:5

मिनु ऐ ङा मुरपुकीमी ३६ जना इस्राएली आन कली साइक्‍तेक्‍म। मेकोपुकीमी सहर ङा ठेयब लाप्‍चो रे शेबारीम ङा लुक्‍च लतीक लां सम्‍म खेदा पा, मेको आन कली साइक्‍तेक्‍म। मिनु इस्राएली आन थुं लुक्‍च लशा, शुश हिंतेक्‍म।