१ इतिहास 20:7 - Sunuwar Bible

⁷ मेकोमी इस्राएली आन कली शुक्‍शी पवा बाक्‍त। मिनु दाऊद आ लोक्‍ब शिमेआ आ तौ योनाथनमी मेको कली सदा बाक्‍त।

१ इतिहास 20:7 ပူးပေါင်းရင်းမြစ်များ

१ इतिहास 2:13

येस्‍से एलीआब आ आफ बाक्‍माक्‍त। मेको आ ङोंइती थिशो तौ बाक्‍माक्‍त। मेको आ माइला अबीनादाब, साइला शिमेआ, १सामुएल १६:५-१०

१ इतिहास 20:6

मिनु नोले लेंशा गाथ सहरमी लडाइ दुम्‍माक्‍त। मेकेर लाइश्‍शो मुर का बाक्‍माक्‍त। आ गुइ नु खोइली नेल्‍लेम ६,६ ओटा ब्रेप्‍चो पाइश्‍शो नेल्‍ल पा २४ ओटा ब्रेप्‍चो पाइश्‍शो मुर का बाक्‍माक्‍त। मेको रेफाइ आ चच युइ का बाक्‍माक्‍त।

१ इतिहास 20:8

मेको गाथ ङा लाइश्‍शो मुर आन चच युइ, रेफाइ आ मुर बाक्‍मा बाक्‍त। मिनु दाऊद नु आ मुरपुकीमी मेको आन कली सदमे बाक्‍त।

१ इतिहास 27:32

दाऊद आ बकान्‍छा योनाथन दाऊद कली अर्ती गेब बाक्‍माक्‍त। मेको शुश जोक्‍ब तुइक्‍ब नु ब्रेक्‍स तुइक्‍ब मुर बाक्‍माक्‍त। हाकमोनी आ तौ येहीएल पिप आ तौ आन कली कोव़ब बाक्‍माक्‍त।

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

१ सामुएल 16:9

मिनु येस्‍सेमी शम्माह कली चाक्‍गा बाक्‍त। तन्‍न सामुएलमी “परमप्रभु यावेम एको कली यो मयोव़ङ” देंमाक्‍त।

१ सामुएल 17:10

मिनु लेंशा “गो मुलाक्‍ती इस्राएल ङा लडाइ पाइ‍ब आन कली आइक्‍च मिम्‍नुङ। मुर का सोइक्‍तीन। मिनु गो लडाइ पाइक्‍नस्‍कु” देंमाक्‍त। २राजा १९:१६; भजन संग्रह ७४:१८; सेफन्‍याह २:८

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।