१ इतिहास 20:1 - Sunuwar Bible

¹ मिनु बर्खा जाक्‍मेनु, पिपपुकी लडाइ पथ ग्रूमा बाक्‍त। मिनु योआबमी लडाइ पाइबपुकी लाइश्‍शा अम्‍मोनी आन रागी कली गोरशो सेला बाक्‍त। मिनु मेको रब्‍बाह सहर पुम्‍शा, आ एर ओंथ नेल्‍ल हिरदा बाक्‍त। दाऊद चहिं यरूसलेम उइ बाक्‍माक्‍त। मिनु योआबमी रब्‍बाह सहर कली लडाइ पा खतम सेल्‍शा ग्रामाक्‍त।

१ इतिहास 20:1 ပူးပေါင်းရင်းမြစ်များ

२ सामुएल 11:1

नक बर्स जाक्‍मेनु, पिपपुकी लडाइ पथ ग्रूमा बाक्‍त। दाऊदमी योआब, लडाइ पाइब आन ठेयब मुर नु इस्राएल ङा लडाइ पाइब नेल्‍ल आन कली सोइक्‍तीमी बाक्‍त। मिनु मेकोपुकीम अम्‍मोन खतम पोक्‍गमे बाक्‍त। रब्‍बाह सहर कली पुम्‍दमे बाक्‍त। तन्‍न दाऊद चहिं यरूसलेम सहरमी बाक्‍माक्‍त। १इतिहास २०:१

२ सामुएल 17:27

मिनु दाऊद महा-नाइमम जाक्‍मेनु, रब्‍बाहम बाक्‍ब अम्‍मोनी नाहाश आ तौ शोबी, लो-देबारम बाक्‍ब अम्‍मीएल आ तौ माकीर नु रोगे‍लीम बाक्‍ब गिलाद आ मुर बारजील्‍लाइम, १इतिहास १९:१; २सामुएल ९:४; १राजा २:७

१ राजा 20:22

मिनु नोले मेको परमप्रभु यावे आ लोव़ पाइब इस्राएल ङा पिप आ बाक्‍तीक जाक्‍शा, मेको कली “इन लडाइ पाइब आन कली ठीक पा वोतीन। मार पचा माल्‍बा, मेको रिम्‍शो पा मिम्‍तीन। मारदे हना मुल जाक्‍शो बर्सम अराम ङा पिपम लेंशा गेपुकी नु लडाइ पाइब” देंमाक्‍त।

१ राजा 20:26

मिनु मेको जाक्‍शो बर्सम बेन-हादादम लडाइ पचा कली अरामी आन कली पुक्‍मी बाक्‍त। मिनु इस्राएली नु लडाइ पचा कली अफेक सहर गे लमा बाक्‍त।

२ राजा 13:20

मेको नोले एलीशा बेक्‍माक्‍त। मुरपुकीम मेको कली थिम्‍मे बाक्‍त। मोआब ङा रोइक्‍बपुकी बर्स बर्समी मेको रागी ओव़बाक्‍मा बाक्‍त।

१ इतिहास 19:19

मिनु हादादेजेरम आ मुरपुकी इस्राएली आन क्‍येङा ब्रुशो तशा गारचा कली सल्‍ला पथ मुर सोइक्‍ता बाक्‍त। मिनु दाऊद कली जिम्‍मा गेसमा बाक्‍त। मोपतीके मेको नोले गेनायो अरामीपुकीम अम्‍मोनी आन कली वारच मपामे बाक्‍त।

यसैया 54:16

कोव़ङीन, गो तुप्‍तीलपुकी सेल्‍तामी। मेकोपुकीमी मी मुइश्‍शा, लडाइ पचा कली या सेल्‍नीम। गो खतम सेल्‍चा कली खतम सेल्‍ब कली यो सेल्‍ता। गो मारेइ मारेइ खतम सेल्‍ब आन कली यो सेल्‍तामी। २सामुएल २४:१६

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

इजीकीएल 21:20

मेको तरवार जाक्‍चा कली अम्‍मोनी आन रब्‍बाह सहर, यहूदा नु गारो हिरशो यरूसलेम कली लां सेलीन।

इजीकीएल 25:5

गो रब्‍बाह सहर कली दल‍ओंठ जोतीक नु अम्‍मोन कली क्‍यारश भेडा आन गोठ सेल्‍नुङ। मेना गेपुकीम गोन परमप्रभु यावे नङ, दे तुइक्‍नीनी’ ” देंत।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

ब्‍यवस्‍था 3:11

मिनु बाशान ङा पिप ओग चहिं मेको लाइश्‍शो मुर, रेफाइम आन दातेमी नेल्‍ल क्‍येङा नोले साइक्‍चा पुंइसाक्‍व। मिनु मेको आ फलाम के खाट मुल सम्‍म अम्‍मोनी आन सहर रब्‍बाहम बाक्‍ब। मेको खाट ९ कुबीत लाइश्‍शो नु ४ कुबीत ब्रेम्‍शो बाक्‍ब। कुबीत का आधा मिटर कि हात का खोदेंशो बाक्‍ब।