१ इतिहास 2:13 - Sunuwar Bible

¹³ येस्‍से एलीआब आ आफ बाक्‍माक्‍त। मेको आ ङोंइती थिशो तौ बाक्‍माक्‍त। मेको आ माइला अबीनादाब, साइला शिमेआ, १सामुएल १६:५-१०

१ इतिहास 2:13 ပူးပေါင်းရင်းမြစ်များ

२ सामुएल 13:3

तन्‍न अम्‍नोन आ वारच का बाक्‍माक्‍त। मेको आ नें योनादाब बाक्‍माक्‍त। मेको दाऊद आ लोक्ब शिमेआह आ तौ बाक्‍माक्‍त। मेको मिक्‍च सिल्‍ब मुर का बाक्‍माक्‍त। १सामुएल १७:१३

२ सामुएल 2:32

मेकोपुकीम आसाहेल कली कुरशा लाइश्‍शा, आ आफ आ तुरस बेथलेहेम सहरम थिम्‍मे बाक्‍त। मेको नोले योआब नु आ मुरपुकी नाक्‍दो रे गाक्‍शा नां सोव़ सोव़ हेब्रोन सहरमी जाक्‍दीम्‍मा बाक्‍त।

१ इतिहास 2:12

बोआज ओबेद आ आफ बाक्‍माक्‍त। ओबेद येस्‍से आ आफ बाक्‍माक्‍त।

१ इतिहास 2:14

काइला नेथनेल, अन्‍तरे रदाइ,

१ इतिहास 20:7

मेकोमी इस्राएली आन कली शुक्‍शी पवा बाक्‍त। मिनु दाऊद आ लोक्‍ब शिमेआ आ तौ योनाथनमी मेको कली सदा बाक्‍त।

१ इतिहास 27:18

यहूदा आ थर ङा दाऊद आ लोक्‍ब एलीहु बाक्‍माक्‍त। इस्‍साकार आ थर ङा मिकाएल आ तौ ओम्री बाक्‍माक्‍त।

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११

१ सामुएल 17:13

येस्‍से आ तौ, जेठा, माइला नु साइला लडाइ पचा कली सावल आ नोले खोइश्‍शो बाक्‍मा बाक्‍त। मेको जेठा एलीआब, आ माइला अबीनादाब नु आ साइला शम्‍माह बाक्‍मा बाक्‍त।

१ सामुएल 17:28

मेको कली मुरपुकी नु लोव़ पा बाक्‍शो आ लोक्‍ब एलीआबम नेना बाक्‍त। मिनु मेको गाइक्‍ता बाक्‍त। मेकोम दाऊद कली “गे मारदे एक बाक्‍ङे? गोरशो रागीम बाक्‍शो मेको इच्‍का खोइ भेडापुकी यो सु कली कोव़पाइक्‍मी? गो इ कली तुइक्‍नुङ। गे मटीब नु हेंथे पाइब बाक्‍नेवे। गे एक लडाइ कोव़थ ला जाक्‍शो नवे” दे मदा बाक्‍त।