१ इतिहास 19:2 - Sunuwar Bible

² मिनु दाऊदमी “आ आफोम आं कली रिम्‍शो पशो खोदेंशो पा, गो नाहाश आ तौ हानुन नु थमा पा वारच्‍बु दुम्‍चा माल्‍नस्‍कु” देंमाक्‍त। मिनु मेको आ आफ बेक्‍शो आ पर्बम सुर्ता पशो लोव़ पथ लोव़ कुरब मुर सोइक्‍ता बाक्‍त। मिनु दाऊद आ लोव़ कुरबपुकी हानुन कली रिम्‍शो लोव़ पथ अम्‍मोनी आन रागीम जाक्‍दीम्‍मा बाक्‍त।

१ इतिहास 19:2 ပူးပေါင်းရင်းမြစ်များ

२ सामुएल 9:1

मिनु दाऊदमी “मार, सावल आ खिं ङा मुर सुइ ब्रोंइशो बाक्‍नीमी? मेको आन कली गो योनाथन आ पर्बम शिशी पाइक्‍ने चाप्‍नुङा?” दे हिल्‍लो पवा बाक्‍त।

२ सामुएल 9:7

मिनु दाऊदम मेको कली “महिंनो, गो इ कली इ आफ योनाथन आ पर्बम शिशी पाइक्‍नुङ। गो इ कली इ बाजे सावल आ रू नेल्‍ल लेश्‍शा गेन‍न। मिनु गे गेना हना यो गो नु बाक्‍शा जाइ‍नेवे” देंमाक्‍त।

२ राजा 4:13

मिनु एलीशाम आ गेय पाइब कली “मेको कली ‘गे आं पर्बम इश्‍का श्‍येत पाप्‍तीवी। मुल गो इ कली मार पने चाप्‍नुङा? मार, गो इ पर्बम पिप नु लडाइ पाइब आन ठेयब मुर नु मारेइ लोव़ पशा गेना?’ दे मेको कली हिल्‍लो पावो” दे मदा बाक्‍त। मिनु मेको मीश मुरुमी “गो एक आं मुर आन दातेमीन बाक्‍नुङ” देंमाक्‍त।

१ इतिहास 19:1

मिनु इच्‍का नाक्‍त नोले अम्‍मोनी आन पिप नाहाश बेक्‍माक्‍त। मिनु मेको आ पा ङा आ तौ पिप दुम्‍माक्‍त। १सामुएल ११:१

१ इतिहास 19:3

मिनु अम्‍मोनी आन ठेयब मुरपुकीम हानुन कली “दाऊदमी इन कली रिम्‍शो लोव़ पथ मुर सोइक्‍तानु, गे दाऊदमी इन आफ कली मान पा मुर सोइश्‍शो बाक्‍ब, दे मिम्‍नीनी? इन रागीम तेरे ओव़शा खतम पोक्‍चा, दे कोव़थ कका सोइश्‍शो बाक्‍ब। आ मुरपुकी क्‍यारी पथ जाक्‍शो मनमी ङा?” दे मदमे बाक्‍त।

नेहेम्‍याह 13:1

मेको नाक्‍ती मुर आन ङोंइती मोसा आ ब्रेक्‍शो किताब पढेशो बाक्‍त। मिनु मेकेर मार ब्रेक्‍शो बाक्‍त देंशा हना “अम्‍मोन नु मोआब ङा मुरपुकी रे सुइ परमप्रभु आ मुर आन ग्रुम्‍तीकेमी गेनायो जाक्‍चा मताइनीम। ब्‍यवस्‍था २३:४-६

नेहेम्‍याह 4:3

मिनु अम्‍मोनी ङा तोबीयाह सान्‍बल्‍लत आ नेक्‍था बाक्‍शा “मेकोपुकीमी मेको प्रोव़तेक्‍म हना यो, सिवार का मेको तारी ङोंइसाक्‍व हना, नेल्‍ल ब्रेप्‍ब” देंत।

नेहेम्‍याह 4:7

मिनु सान्‍बल्‍लत, तोबीयाह, अराबीपुकी, अम्‍मोनीपुकी नु अश्‍दोदीपुकीमी “यरूसलेम ङा गारो रिम्‍शो पा सेल्‍ना सेल्‍न बाक्‍नीम। आ पोव़ला यो सु‍ना सु‍न बाक्‍नीम” दे तुइश्‍शा, शुश गाइक्‍ताक्‍म।

एस्‍तर 6:3

मिनु पिपमी “एको ओं पशो आ पर्बम मोरदेकै कली मारेइ मान नु दर्जा गेशो बाक्‍मे?” दे हिल्‍लो पाप्‍तु। मिनु मेकेर बाक्‍ब पिप आ गेय पाइबपुकीमी “मोरदेकै आ पर्बम मारेइ मपशो बाक्‍ब” देंतेक्‍म।

उपदेसक 9:15

मेको सहरमी जोक्‍ब तुइक्‍ब प्रुङग मुर का बाक्‍माक्‍‍त। मिनु मेकोमी आ जोक्‍तीक तुइक्‍तीकेमी मेको सहर कली प्रोना बाक्‍त। तन्‍न मेको प्रुङग मुर कली सुइमी ममिम्‍‍तमे बाक्‍त।

यूहन्‍ना 11:19

मिनु यरूसलेम ङा शुश यहूदीपुकीमी मारथा नु मरीयम आस लोक्‍ब बेक्‍शो आ पर्बमी “सुर्ता मपाम्‍सेक्‍ल” दे लेम्‍चा कली जाक्‍मा बाक्‍त।

१ सामुएल 30:26

मिनु दाऊद सिकलागम जाक्‍शा, रोइश्‍शो मार मार रे यहूदा ङा आ वारच खाल्‍पा आन कली “परमप्रभु यावे आ जोरी सत्रु रे रोइश्‍शो मार मार एको इन कली कोसेली बाक्‍ब” देंशा, सोइक्‍ता बाक्‍त।