१ इतिहास 19:19 - Sunuwar Bible

¹⁹ मिनु हादादेजेरम आ मुरपुकी इस्राएली आन क्‍येङा ब्रुशो तशा गारचा कली सल्‍ला पथ मुर सोइक्‍ता बाक्‍त। मिनु दाऊद कली जिम्‍मा गेसमा बाक्‍त। मोपतीके मेको नोले गेनायो अरामीपुकीम अम्‍मोनी आन कली वारच मपामे बाक्‍त।

१ इतिहास 19:19 ပူးပေါင်းရင်းမြစ်များ

२ सामुएल 10:1

मिनु नोले अम्‍मोनी आन पिप बेक्‍माक्‍त। मिनु मेको आ पा ङा आ तौ हानुन पिप दुम्‍माक्‍त।

२ सामुएल 10:19

मिनु हादादेजेर कली वारच पाइब पिप नेल्‍लेमी इस्राएली नु ब्रुशो, दे तुइश्‍शा, इस्राएली नु गारचा गोव़मे बाक्‍त। मिनु इस्राएली आन हुकुममी बाक्‍ने बिस्‍समा बाक्‍त। मेना रे अराम ङा मुरपुकीम अम्‍मोनी आन कली लेंशा गेनायो वारच मपदमे बाक्‍त।

१ राजा 20:1

अराम ङा पिप बेन-हादादम आ लडाइ पाइब नेल्‍ल आन कली खुप्‍ती‍मी बाक्‍त। मिनु मेकोमी ३२ जना पिप, मेको आन शारा नु बग्‍गीपुकी लाइश्‍शा, सामरीया सहर कली पुम्‍शा लडाइ तोवा बाक्‍त।

१ राजा 20:12

मेना बेन-हादाद नु अरु पिप आन बाक्‍तीकेम शांबु दुक्‍शा बाक्‍मानु, मेको लोव़ नेना बाक्‍त। मिनु मेकोमी रीब पा आ लडाइ पाइब आन कली “लडाइ पचा ठीक दुमीन” दे हुकुम गेमी बाक्‍त। मिनु मेकोपुकी मेको सहर कली लडाइ तोचा कली ठीक दुम्‍मा बाक्‍त।

१ इतिहास 14:17

मोपा दाऊद आ ठेयब दुम्‍तीके रागी नेल्‍ल ब्रमाक्‍त। मिनु परमप्रभु यावेमी रागी रागी ङा मुर नेल्‍ल आन थुंमी दाऊद क्‍येङा हिंतीक थुं वोदा बाक्‍त।

१ इतिहास 19:18

तन्‍न इस्राएलीपुकीम मेको आन कली फ्रुशा खेदा पामे बाक्‍त। दाऊदमी ७ हजार अरामी आन बग्‍गी खुल्‍ब नु ४० हजार लडाइ पाइब नु मेको आन कप्‍तान शोफाक आन कली सदमे बाक्‍त।

१ इतिहास 20:1

मिनु बर्खा जाक्‍मेनु, पिपपुकी लडाइ पथ ग्रूमा बाक्‍त। मिनु योआबमी लडाइ पाइबपुकी लाइश्‍शा अम्‍मोनी आन रागी कली गोरशो सेला बाक्‍त। मिनु मेको रब्‍बाह सहर पुम्‍शा, आ एर ओंथ नेल्‍ल हिरदा बाक्‍त। दाऊद चहिं यरूसलेम उइ बाक्‍माक्‍त। मिनु योआबमी रब्‍बाह सहर कली लडाइ पा खतम सेल्‍शा ग्रामाक्‍त।

भजन संग्रह 18:39

मारदे हना गे आं कली लडाइ पचा कली शुश सक्ति गेतीनी। आं जोरी सत्रु आन कली आं खोइलीम बाप्‍पाइक्‍तीनी।

भजन संग्रह 18:44

आं अरेशो नेन्‍मेनु, मेकोपुकीम टिम्‍तेक्‍म। अर्को रागी ङा मुरपुकी आं ङोंइती बाप्‍तेक्‍म।

यसैया 10:8

मिनु अस्‍सुरमी “आं कप्‍तान नेल्‍ल पिप मनमी ङा?