१ इतिहास 18:4 - Sunuwar Bible

⁴ मिनु दाऊदम मेको रे पा हजार का बग्‍गी, ७ हजार शारा ङोइक्‍ब नु २० हजार खोइलीम गाक्‍ब लडाइ पाइब आन कली ग्‍याइक्‍तीमी बाक्‍त। मिनु मेकोम सहे का शारा प्रोंइशा अरु बग्‍गी ङा शारा नेल्‍ल आन कली खोइल ङा नारी ख्रोदमे बाक्‍त।

१ इतिहास 18:4 ပူးပေါင်းရင်းမြစ်များ

उत्पत्ती 49:6

आं थुं इस ख्रुइश्‍शा अरेशोम गेनायो मबिस्‍सेक्‍ल, आं नें इस ग्रुम्‍तीकेमी गेनायो मदेंमल। थुं का मदुमीसे। मारदे हना इस चुरतीकेमी मुर साइक्‍तीसी। महिंब दुम्‍शा, ब्‍यफ कली गाक्‍ने मचाप्‍ब सेल्‍तीसी।

२ सामुएल 8:4

दाऊदम मेको रे हजार का ७ सहे शारा ङोइक्‍बपुकी नु २० हजार जना खोइलीम गाक्‍ब लडाइ पाइब आन कली ग्‍याइक्‍तीमी बाक्‍त। मिनु दाऊदम बग्‍गी कीब शारा आन नारी ख्रोदा बाक्‍त। मिनु आंम कली सहे का शारा बग्‍गी कीचा कली वोदा बाक्‍त। यहोसु ११:९

१ राजा 10:26

सोलोमनम शुश बग्‍गी नु शारा तेल्‍मी बाक्‍त। मेको के १४ सहे बग्‍गी नु १२ हजार शारा बाक्‍मा बाक्‍त। मेकोमी बग्‍गी आन कली बग्‍गी वोइक्‍तीक सहरम वोदा बाक्‍त। का निक्‍शी आन कली चहिं आं नुन यरूसलेमम वोइक्‍मी बाक्‍त। १राजा ५:६

१ राजा 4:2

मेको आ ठेयब गेय पाइब सु सु बाक्‍मा बाक्‍त देंशा हना, सादोक आ तौ अजारयाह चढ़ेब बाक्‍माक्‍त।

१ इतिहास 18:3

मिनु दाऊदमी युफ्रेटीस खोला सम्‍म आ ग्राशो अधिकार ठीक वोइक्‍थ लमेनु, सोबाह ङा पिप हादादेजेर नु हमाथ सम्‍म लडाइ पवा बाक्‍त।

१ इतिहास 18:5

मिनु सोबाह ङा पिप हादादेजेर कली वारच पाइक्‍चा कली दमस्‍कस ङा अरामीपुकी जाक्‍मे बाक्‍त। मिनु दाऊदमी मेको आन दाते ङा २२ हजार आन कली साइक्‍मी बाक्‍त।

भजन संग्रह 20:7

कोइ मुरपुकीमी शारा, बग्‍गी तशा, ग्रानीकी, दे मिम्‍नीम। तन्‍न गोपुकी परमप्रभु यावे, आंइ परमप्रभु आ नें मिम्‍शा, ग्रानीकी। भजन संग्रह ३३:१७; ब्‍यवस्‍था २०:१; यसैया ३१:१

ब्‍यवस्‍था 17:16

मेकोमी शुश शारा आंम कली मवोदल। मिनु मेकोमी शारा ग्‍याप्‍चा कली मुर आन कली इजीप्‍त मसोइक्‍तल। मारदे हना परमप्रभु यावेमी ‘मेको लां गेनायो लेश्‍शा मलने’ देंत। १राजा १०:२६-२९

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।

यहोसु 11:9

मिनु यहोसुमी परमप्रभु यावेमी देंशो खोदेंशो पा, मेको आन शारा आन ठेयब नारी ख्रोइश्‍शा, मेको आन बग्‍गीपुकी मीम क्रोइक्‍तु।