१ इतिहास 18:11 - Sunuwar Bible

¹¹ मिनु दाऊद पिपम मेको आ चाक्‍शो सुन नु चांदी के ग्‍योंब नेल्‍ल परमप्रभु यावे कली चढ़ेवा बाक्‍त। मेकोमी अर्को जात नेल्‍ल एदोम, मोआब, अम्‍मोनी, पलिस्‍ती नु अमालेकी रे चाक्‍शो सुन चांदी यो चढ़ेवा बाक्‍त।

१ इतिहास 18:11 ပူးပေါင်းရင်းမြစ်များ

१ राजा 7:51

मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।

२ राजा 12:18

तन्‍न यहूदा ङा पिप योआशमी मेको आ किकी पिपी, यहूदा ङा पिप येहो-शाफात, येहोराम नु अहाज्‍याहम चढ़ेशो परमप्रभु यावे आ खिं ङा क्‍येट नु आंम आ चढ़ेशो थोव़क, परमप्रभु यावे आ खिंम बाक्‍शो थोव़क नु आ दरवारम बाक्‍शो सुन नेल्‍ल अराम ङा पिप हजाएल कली सोइक्‍ता बाक्‍त। मिनु हजाएल यरूसलेम रे लेम्‍माक्‍त। २राजा १०:३२

१ इतिहास 18:10

मिनु दाऊदमी हादादेजेर कली लडाइ फ्रुशो आ पर्बम मेको कली रिम्‍शो पाइतीनी देंथ तोऊम आ तौ हदोराम कली दाऊद आ बाक्‍तीक सोइक्‍ता बाक्‍त। मारदे हना हादादेजेर नु तोऊ आस दातेमी लडाइ दुम्‍शो बाक्‍माक्‍त। मिनु हदोराममी आं नु बाक्‍शो सुन चांदी नु कांसा के ग्‍योंबपुकी चाक्‍गा बाक्‍त।

१ इतिहास 18:12

सेरूयाह आ तौ अबीशैमी हिक्‍सी आ बेंसीम १८ हजार एदोमी लडाइ पा सदा बाक्‍त।

१ इतिहास 22:14

गो शुश श्‍येत पा परमप्रभु यावे आ खिं सेल्‍चा कली मार वोइक्‍ता देंशा हना, लाख का टलेन्‍ट सुन, १० लाख टलेन्‍ट चांदी नु नाक्‍ने मचाप्‍चा ङा पा कांसा नु फलाम खेक्‍शा वोइक्‍ता‍मी। मारदे हना मेकेर शुश बाक्‍शो बाक्‍त। शी नु फुल्‍लुपुकी यो ठीक पा वोइक्‍तामी। गे अर्को यो तेम्‍चा माल्‍नेवे। टलेन्‍ट का ३४ किलो बाक्‍ब। १इतिहास २९:२

१ इतिहास 26:20

मिनु अरु लेवी आ थर ङा मुर आन गेय मार बाक्‍त देंशा हना, परमप्रभु आ खिं ङा मार मार शोंप वोइक्‍तीके नु मार मार परमप्रभु कली गेशो वोइक्‍तीके कोव़ब अहीयाह बाक्‍माक्‍त।

१ इतिहास 29:14

मिनु गो आंइ थुंम ग्‍येरशा सोम्‍शा ओपा शुश गेने चाप्‍नीकी? गो सु नङा? आं मुरपुकी सु बाक्‍नीमी? मारदे हना नेल्‍ल थोव़क इन गुइ रे जाक्‍नीम। गोपुकीमी इन गेशो रे इन कली गेतक।

२ इतिहास 5:1

मिनु सोलोमनम परमप्रभु यावे आ खिं कली पशो गेय नेल्‍ल थुमा नोले, आ आफ दाऊदमी परमप्रभु यावे कली गेशो नेल्‍ल चाक्‍गा बाक्‍त। मेको सुन चांदी नु ग्‍योंब नेल्‍ल मारेइ मारेइ परमप्रभु आ खिं ङा शोंप वोइक्‍तीकेमी वोइक्‍पदा बाक्‍त। १इतिहास १८:११; १इतिहास २९:२-४

प्रस्‍थान 35:5

‘परमप्रभु यावे कली ग्रुम्‍तीक ताम्‍बु सेल्‍चा कली चढ़ेतीक मार मार पोक्‍चा माल्‍नीनी। सु सुम ग्‍येरशा गेनीनी, मेकोमी परमप्रभु यावे कली मार चाक्‍चा माल्‍नीनी देंशा हना, सुन, चांदी, कांसा, प्रस्‍थान २५:२

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

यहोसु 6:19

सुन चांदी, कांसा नु फलाम के सेल्‍शो थोव़क नेल्‍ल परमप्रभु यावे केन बाक्‍नीम। मेको परमप्रभु यावे आ शोंप वोइक्‍तीकेमी वोइक्‍चा माल्‍नीम” देंत।

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

१ सामुएल 30:13

मिनु दाऊदम मेको कली “गे ते रे जाक्‍शो नवे। सु आ मुर नवे?” दे हिल्‍लो पवा बाक्‍त। मिनु मेकोमी “गो इजीप्‍त ङा ठिटा का नङ। अमालेकी का आ वाइल नङ। तन्‍न गो नाक्‍त सां ङोंइती रे रोइ पतीके आं होव़पम आं कली प्रोंइशा गाक्‍त।

१ सामुएल 30:20

दाऊद नु आ मुरपुकीम मेकोपुकीम ङोंइती रोइश्‍शो क्‍यारश भेडा, बी ब्‍यफ नेल्‍ल आन कली लदमे बाक्‍त। मिनु “एको नेल्‍ल दाऊद के बाक्‍ब” देंमा बाक्‍त।