१ इतिहास 17:9 - Sunuwar Bible

⁹ गो आं मुर इस्राएली आन कली रागी का योव़नुङ। मिनु गो मेको आन कली मेकेर बाक्‍पाइक्‍नुङमी। मिनु मेको आन रागीम बाक्‍नीम। मुल रे मेको आन कली श्‍येत गेबपुकी सुइम श्‍येत मगेनीम।

१ इतिहास 17:9 ပူးပေါင်းရင်းမြစ်များ

१ इतिहास 17:10

गोमी ङोंइङोंइती आं मुर इस्राएली आन कली सासन पाइब निसाफ पाइबपुकी योव़ङुमी रे मेको आन कली मरिम्‍शो मुरपुकीम श्‍येत गेशो खोदेंशो पा मुल गेनायो श्‍येत मगेनीम। गो इ जोरी सत्रु नेल्‍ल आन कली इ सासनम सेल्‍नुङमी। गो इ परमप्रभु यावेम इ राज्‍य नु इ खिं बोल्‍यो सेल्‍नुङ।

१ इतिहास 17:8

गे ते ते लवे, गो यो मेक मेक बाक्‍शो बाक्‍ती। मिनु इ लांम बाक्‍शो इ जोरी सत्रु आन कली खतम पोक्‍तामी। मुल गो इ कली रागी ङा थम ठेयब मुर खोदेंशो पा ठेयब सेल्‍नन।

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 89:22

आ जोरी सत्रुमी मेको कली ग्राने मचाप्‍नीम। परमप्रभु आ अरेशो मटीबपुकीमी मेको कली दिप्‍ने मचाप्‍नीम।

भजन संग्रह 92:13

मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।

प्रस्‍थान 2:23

मिनु शुश बर्स नोले इजीप्‍त रागी ङा पिप बेक्‍माक्‍त। इस्राएल जात ङा मुर इजीप्‍त रागीम वाइलीम वाइल खोदेंशो दुम्‍शा, शुश श्‍येत जशा, परमप्रभु कली “वारच पाइय्‍यीकी” दे पुंइशा ङाक्‍मा बाक्‍त। मिनु परमप्रभुमी मेको आन ङाक्‍शो नेना बाक्‍त।

यसैया 49:17

इ तमी तौ रीब पा जाक्‍नीम। इ कली खतम पोक्‍ब ग्रूशा लाइनीम” देंत।

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

यसैया 61:3

मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।

येरमीया 24:6

गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

इजीकीएल 28:4

गे इ रुप्‍तीक थुं नु मिम्‍तीकेम शुश शोंप चेम्‍शो बाक्‍नेवे। मिनु गे इ मार मार वोइक्‍तीकेम सुन नु चांदी तेल्‍शो बाक्‍नेवे।

इजीकीएल 34:13

गो मेको आन कली रागी रागी ङा मुर आन दाते रे ग्रुंइशा, आंम आन रागीम चाक्‍नुङमी। गो मेको आन कली इस्राएल ङा पहाड मेर, मेको आ खोला आ नेक्‍था नु मुर बाक्‍शो रागी मेर योव़नुङमी।

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

आमोस 9:15

गो मेको आन कली गेनायो मखेरपांइसीचा ङा पा आन रागीमी वोइक्‍नुङ। आं गेशो रागी रे मेको आन कली सुइमी ग्रुंइने मचाप्‍नीम, दे इन परमप्रभु यावेमी देंशो बाक्‍ब” देंत।

एफिसी 5:6

सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६

प्रकाश 21:4

परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९