१ इतिहास 17:18 - Sunuwar Bible

¹⁸ इन गेय पाइब कली इन गेशो मान आ पर्बम दाऊदम अरु मार देंने चाप्‍बा ङा? गे इन गेय पाइब कली रिम्‍शो पा तुइश्‍शो बाक्‍नीनी।

१ इतिहास 17:18 ပူးပေါင်းရင်းမြစ်များ

१ इतिहास 17:17

मो हना यो परमप्रभु एको इन ङोंइती शुश ममाइ। परमप्रभु यावे, परमप्रभु, गेमी इन कबल इन गेय पाइब आ खिं कली शुश नोले सम्‍म कली बारपाइश्‍शो बाक्‍नीनी।

१ इतिहास 17:19

परमप्रभु यावे, गे इन गेय पाइब आ पर्बम नु इन पत दाक्‍शो गेय खोदेंशो पा गे थम ठेयब गेय पशो बाक्‍नीनी। मिनु एको इन पशो ठेयब कबल तुइक्‍पाइश्‍शो बाक्‍नीनी।

भजन संग्रह 139:1

परमप्रभु यावे, गे आं कली नाक्‍शा तुइश्‍शो बाक्‍नीनी। भजन संग्रह ७:१०; येरमीया १७:१०

यूहन्‍ना 21:17

लेंशा येसुमी “योआन्‍नेस आ तौ सिमोन, गे आं कली दाक्‍नेवे?” दे हिल्‍लो पाप्‍तु। मिनु येसुमी खेयप सां “आं कली दाक्‍नेवे?” दे हिल्‍लो पशो नेंशा, पत्रुस आ थुं खाइक्‍त। मिनु “प्रभु, गे नेल्‍ल तुइक्‍नीनी। गो इन कली दाक्‍नन्‍नी, दे तुइक्‍नीनी” दे माइक्‍तु। मिनु येसुमी “आं भेडा आन कली योव़मी। यूहन्‍ना १३:३८; यूहन्‍ना १६:३०

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८