१ इतिहास 17:10 - Sunuwar Bible

¹⁰ गोमी ङोंइङोंइती आं मुर इस्राएली आन कली सासन पाइब निसाफ पाइबपुकी योव़ङुमी रे मेको आन कली मरिम्‍शो मुरपुकीम श्‍येत गेशो खोदेंशो पा मुल गेनायो श्‍येत मगेनीम। गो इ जोरी सत्रु नेल्‍ल आन कली इ सासनम सेल्‍नुङमी। गो इ परमप्रभु यावेम इ राज्‍य नु इ खिं बोल्‍यो सेल्‍नुङ।

१ इतिहास 17:10 ပူးပေါင်းရင်းမြစ်များ

२ सामुएल 7:11

आं मुर इस्राएली आन कली निसाफ पाइब योव़शो रे गो इ कली इ जोरी सत्रु नेल्‍ल रे नाइक्‍पाइक्‍नन। मिनु परमप्रभु यावेमी इ कली चच युइ गेब’ दे मतो” देंमाक्‍त।

१ इतिहास 17:11

मिनु इ नाक्‍त नुप्‍शा, गे बेक्‍शा इ किकी पिपपुकी नु लाइनेवे। मिनु नोले गो इ तौ का कली इ पा ङा पिप सेल्‍नुङ। मिनु गो मेको आ राज्‍य महिम्‍सीब सेल्‍नुङ।

१ इतिहास 17:9

गो आं मुर इस्राएली आन कली रागी का योव़नुङ। मिनु गो मेको आन कली मेकेर बाक्‍पाइक्‍नुङमी। मिनु मेको आन रागीम बाक्‍नीम। मुल रे मेको आन कली श्‍येत गेबपुकी सुइम श्‍येत मगेनीम।

भजन संग्रह 110:1

परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

भजन संग्रह 89:23

मेको आ जोरी सत्रु आन कली मेको आ ङोंइती खतम पोक्‍नुङ। मिनु मेको कली काइ मदाक्‍ब आन कली साइक्‍नुङमी।

प्रस्‍थान 1:21

वारच पाइब मीश मुरपुकी परमप्रभु कली मान पा हिंतीके परमप्रभुमी मेको आन खिं कली यो आसीक गेवा बाक्‍त।

१ कोरिन्‍थी 15:25

मारदे हना ख्रीस्‍तमी आ जोरी सत्रु आन कली आ खोइलीम मदिम्‍दा सम्‍म सासन पचा माल्‍ब। भजन संग्रह ११०:१; मत्ती २२:४४

न्‍यायाधीस 3:8

मिनु परमप्रभु यावेमी इस्राएली आन कली तशा गाइक्‍ता बाक्‍त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्‍त। मेकोम इस्राएली आन कली ८ बर्स सम्‍म सासन पवा बाक्‍त।

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।