१ इतिहास 16:5 - Sunuwar Bible

⁵ मेको आन ठेयब मुर आसाफ बाक्‍माक्‍त। मेको आ नोले ङा जकरिया, यिएल, शेमीरामोथ, येहीएल, मत्तीथ्‍याह, एलीआब, बेनायाह, ओबेद-एदोम नु यिएल ठेयब नु आइक्‍च तार पाइश्‍शो ताप्‍तीके नु सितार ताप्‍ब बाक्‍मा बाक्‍त। आसाफ बुप्‍केल ताप्‍ब बाक्‍माक्‍त।

१ इतिहास 16:5 ပူးပေါင်းရင်းမြစ်များ

२ सामुएल 6:5

मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।

१ इतिहास 16:37

मिनु दाऊदम आसाफ नु आ खिं खिं ङा मुर आन कली परमप्रभु यावे आ कबल पशो सन्‍दोस आ ङोंइती नाक्‍त किंत किंत पचा माल्‍शो गेय पचा, दे वोदा बाक्‍त।

१ इतिहास 16:4

मिनु दाऊदमी परमप्रभु यावे आ सन्‍दोस आ ङोंइती गेय पचा, दे लेवी आन कली योव़शा वोइक्‍मी बाक्‍त। मेकोपुकीमी परमप्रभु कली पुंइतीक लोव़ “गे रिम्‍शो पाइब बाक्‍नीनी” दे नु परमप्रभु यावे, इस्राएली आन परमप्रभु कली ठेयब सेल्‍चा माल्‍बाक्‍मा बाक्‍त।

१ इतिहास 16:6

मिनु चढ़ेब बेनायाह नु याहासीएलमी नाक्‍त किंत किंत परमप्रभु आ कबल पशो सन्‍दोस आ ङोंइती तुराही तप्‍चा माल्‍बाक्‍सा बाक्‍त।

१ इतिहास 6:24

अस्‍सीर आ तौ तहाथ, नाहाथ आ तौ उरीएल, उरीएल आ तौ उज्‍जीयाह, उज्‍जीयाह आ तौ शावल बाक्‍मा बाक्‍त।

१ इतिहास 6:39

हेमान आ लोक्‍ब आसाफ आ ग्‍युरा गे बाक्‍शो बाक्‍माक्‍त। आसाफ बेरेक्‍याह आ तौ बाक्‍माक्‍त। बेरेक्‍याह शिमेआ आ तौ बाक्‍माक्‍त। १इतिहास १५:१७,१९

२ इतिहास 29:25

मिनु पिपम लेवी आन कली परमप्रभु यावे आ खिंम बुप्‍केल नु ठेयब नु आइक्‍च तार पाइश्‍शो ताप्‍तीके ताप्‍चा कली ठीक दुम्‍पाइक्‍मी बाक्‍त। मारदे हना ङोंइती दाऊदम, परमप्रभु यावे आ लोव़ ताइब, गाद नु नाथान रे पा मोदेंशो शेंशो बाक्‍माक्‍त। १इतिहास २५:१