१ इतिहास 16:36 - Sunuwar Bible

³⁶ परमप्रभु यावे, इस्राएली आन परमप्रभु गेना हना यो ठेयब बाक्‍ब। गेना हना यो मोदेंशो बाक्‍ब” दे कुम्‍सो पवा बाक्‍त। मिनु नोले मुर नेल्‍लेमी “आमेन” देंशा, परमप्रभु यावे कली ठेयब सेल्‍मे बाक्‍त। भजन संग्रह ४१:१४

१ इतिहास 16:36 ပူးပေါင်းရင်းမြစ်များ

१ राजा 8:15

मिनु मेकोमी “परमप्रभु यावे, इस्राएली आन परमप्रभु ठेयब बाक्‍ल। मेकोमी आं आफ दाऊद नु कबल पा, मुल मेको खाप्‍तु।

१ राजा 8:56

मेकोमी “आ मुर इस्राएली आन कली आ देंशो खोदेंशो पा नाइक्‍चा गेब परमप्रभु यावे ठेयब बाक्‍ल। मेकोम आ गेय पाइब मोसा रे पा पाइनुङ देंशो रिम्‍शो गेय नेल्‍ले का सम्‍म यो मख्राइक्‍थु, पाप्‍तु। यहोसु २१:४५

नेहेम्‍याह 8:6

मिनु एज्रामी नेल्‍ल क्‍येङा ठेयब परमप्रभु यावे कली “गे ठेयब न‍नी” दे मान पवानु, मुर नेल्‍लेमी आन गुइ पोक्‍शा “आमेन, आमेन” देंतेक्‍म। मिनु नेल्‍लेमी आन पिया खुक्‍शा, परमप्रभु यावे आ ङोंइती खप सम्‍म बाप्‍शा ठेयब सेल्‍‍तेक्‍म।

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

भजन संग्रह 106:47

मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५

भजन संग्रह 106:48

परमप्रभु यावे, इस्राएली आन परमप्रभु गेना हना यो ठेयब बाक्‍ल। मिनु मुरपुकीमी ‘मोदेंशो दुम्‍ल। आमेन’ देनीन” परमप्रभु यावे ठेयब बाक्‍ब। भजन संग्रह ४१:१४; १इतिहास १६:३६

येरमीया 28:6

“आमेन, परमप्रभु यावेम मो पवल। परमप्रभु यावेमी इ पशो लोव़ खबल। परमप्रभु यावे आ खिं ङा मार मार ग्‍योंबपुकी नु ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे लेश्‍शा चाक्‍गल।

१ कोरिन्‍थी 14:16

मिनु गेपुकी खुम्‍सीशा बाक्‍नीनु, सोक्‍त आ लोव़म आसीक गेशा, परमप्रभु यावे कली “गे रिम्‍शो पाइब बाक्‍नीनी” देंतीनी हना, दोपा मरुप्‍ब मुरुमी “आमेन” देंने चाप्‍बा ङा?

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५