१ इतिहास 16:31 - Sunuwar Bible

³¹ सरीङ ग्येरसेक्‍ल। रागी थाम्‍पा ग्‍येरसेक्‍ल। मिनु रागी रागी ङा मुर आन दातेमी ‘परमप्रभु यावे पिप बाक्‍ब’ देंमल।

१ इतिहास 16:31 ပူးပေါင်းရင်းမြစ်များ

१ इतिहास 16:30

रागी नेल्‍ल मेको आ ङोंइती थिर थिर पा ख्रिंख्रि पने। रागी नेल्‍ल कली गेना हना यो मदुक्‍चा ङा पा वोइश्‍शो बाक्‍ब।

भजन संग्रह 145:1

आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।

भजन संग्रह 19:1

सरीङमी परमप्रभु आ छेङछेङ आ पर्बम लोव़ पाइब। सरीङ आ ठेयब दुम्‍तीकेमी परमप्रभु आ गेय आ पर्बम लोव़ पाइब। रोमी १:१९-२०

भजन संग्रह 47:8

परमप्रभुमी रागी रागी नेल्‍ल आन कली सासन पाइब। मिनु परमप्रभु आंम आ ठेयब नित्‍तीकेमी निप्‍ब।

भजन संग्रह 89:5

परमप्रभु यावे, स्‍वर्गम बाक्‍ब नेल्‍लेमी इन छक लाक्‍चा ङा गेय आ पर्बम इन कली ठेयब सेल्‍नीम। इन मुर आन ग्रुम्‍तीकेमी इन दाक्‍शा गेनायो मप्रोंइ‍तीके आ पर्बम इन कली ठेयब सेल्‍नीम।

भजन संग्रह 96:10

गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१

भजन संग्रह 97:1

परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। भजन संग्रह ९३:१

भजन संग्रह 98:4

रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने। साप्‍पा ग्‍येरसीशा मेको कली ठेयब सेलीन।

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

लूका 15:10

मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।

लूका 2:10

तन्‍न परमप्रभु यावे आ स्‍वर्ग ङा गेय पाइबमी “महिनीने। गो इन कली नु मुर नेल्‍ल आन कली ग्‍येरपाइक्‍ब लोव़ नेंपाइक्‍थ जाक्‍ती।

प्रकाश 19:6

मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।