१ इतिहास 16:30 - Sunuwar Bible

³⁰ रागी नेल्‍ल मेको आ ङोंइती थिर थिर पा ख्रिंख्रि पने। रागी नेल्‍ल कली गेना हना यो मदुक्‍चा ङा पा वोइश्‍शो बाक्‍ब।

१ इतिहास 16:30 ပူးပေါင်းရင်းမြစ်များ

१ इतिहास 16:23

रागी ङा मुर नेल्‍लेमी परमप्रभु यावे कली कुम्‍सो पने। नाक्‍त किंत किंत आ श्‍येत रे प्रोंइशो आ पर्बम लोव़ पने।

१ इतिहास 16:25

मारदे हना परमप्रभु यावे ठेयब बाक्‍ब। ठेयब मान पाइक्‍चा पुंइसीब बाक्‍ब। देवी देवता नेल्‍ल आन क्‍येङा मान पाइक्‍चा पुंइसीब बाक्‍ब।

१ इतिहास 16:29

परमप्रभु यावे कली आ नें शिरचा ङा पा मान पने। चढ़ेतीक चाक्‍शा, आ ङोंइती जाक्‍कीन। आंम आन कली परमप्रभु यावे आ ङोंइती ठीक सेल्‍शा मेको कली ठेयब सेलीन।

१ इतिहास 16:31

सरीङ ग्येरसेक्‍ल। रागी थाम्‍पा ग्‍येरसेक्‍ल। मिनु रागी रागी ङा मुर आन दातेमी ‘परमप्रभु यावे पिप बाक्‍ब’ देंमल।

भजन संग्रह 33:9

मारदे हना परमप्रभुमी लोव़ पा मारेइ मारेइ दुम्‍शो बाक्‍त। मेकोमी अरेवानु, दुम्‍शो बाक्‍तेक्‍म। भजन संग्रह १४८:५

भजन संग्रह 76:8

गे स्‍वर्ग रे इन निसाफ नेंपाइक्‍तीनी। मिनु रागी हिंशा, सिक्‍सी पाप्‍तु। भजन संग्रह ४६:१; हबकुक २:२०

भजन संग्रह 93:1

परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८

भजन संग्रह 96:9

रिम्‍शो पतीकेमी ग्‍योम्‍सीशा, परमप्रभु यावे कली “गे ठेयब बाक्‍नीनी” दे लोव़ पने। रागी ङा मुर नेल्‍ले मेको आ ङोंइती मेको कली मान पा ख्रिंख्रि पने।

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

यसैया 49:8

मिनु परमप्रभु यावेमी “शिशी पतीक नाक्‍त गो इ लोव़ नेंशा, लोव़ लेत्‍ताक्‍न। प्रोंइतीके नाक्‍त गो इ कली वारच पाता। गो इ कली कोव़शा, आं कबल ङा मुर सेल्‍ता। गो रागी लेंशा सेल्‍चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्‍थी ६:२; यसैया ४२:६

येरमीया 10:12

तन्‍न मेकोमी आ सक्तिमी रागी सेल्‍तु। मेकोमी आ जोक्‍तीक तुइक्‍तीकेमी रागी रागी कली वोइक्‍तु। मिनु मेकोमी आ रुप्‍तीकेम सरीङ प्राक्‍तु। येरमीया ५१:१५-१९

कलस्‍सी 1:17

मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब।

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।