१ इतिहास 16:29 - Sunuwar Bible

²⁹ परमप्रभु यावे कली आ नें शिरचा ङा पा मान पने। चढ़ेतीक चाक्‍शा, आ ङोंइती जाक्‍कीन। आंम आन कली परमप्रभु यावे आ ङोंइती ठीक सेल्‍शा मेको कली ठेयब सेलीन।

१ इतिहास 16:29 ပူးပေါင်းရင်းမြစ်များ

१ इतिहास 16:28

जात जात ङा खिं खिं ङा मुरपुकीमी परमप्रभु यावे कली ‘छेङछेङ नु सक्ति इन के बाक्‍ब’ दे ठेयब सेलीन। भजन संग्रह २९:१२

१ इतिहास 16:30

रागी नेल्‍ल मेको आ ङोंइती थिर थिर पा ख्रिंख्रि पने। रागी नेल्‍ल कली गेना हना यो मदुक्‍चा ङा पा वोइश्‍शो बाक्‍ब।

२ इतिहास 20:21

मिनु मेकोमी मुरपुकी नु सल्‍ला पशा, लडाइ पाइब आन ङोंइती रिम्‍शो वा फेक्‍शा, परमप्रभु यावे कली ठेयब सेल्‍तीक कुम्‍सो पाइब योव़मी बाक्‍त। मिनु मेकोपुकीम “परमप्रभु यावे कली ‘गे रिम्‍शो पाइब बाक्‍नीनी। मारदे हना इन दाक्‍तीक गेना हना यो लीब’ ” दे कुम्‍सो पामे बाक्‍त। भजन संग्रह १०६:१

भजन संग्रह 100:4

मिनु “गे रिम्‍शो पाइब बाक्‍नीनी” दे आ ठेयब लाप्‍चो रे ओव़ङीन। आ कली मान पा आ लाङगाम ठेयब सेल्‍तीक कुम्‍सो पने। मेको कली “गे रिम्‍शो पाइब बाक्‍नीनी” दे आ नें कली मान पा ठेयब सेलीने। भजन संग्रह १०६:१

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 29:1

गे सक्ति पाइश्‍शो आन तौपुकी, परमप्रभु यावे कली “गे सक्ति नु छेङछेङ पाइश्‍शो बाक्‍नीनी” देनीन। भजन संग्रह १०३:२०-२१

भजन संग्रह 29:2

गे परमप्रभु यावे कली “इन नें नेल्‍ल आन क्‍येङा ठेयब बाक्‍ब” देनीन। गे परमप्रभु यावे आ दाक्‍तीकेमी ग्‍योम्‍सीशा परमप्रभु यावे आ ङोंइती बाप्‍पीन।

भजन संग्रह 50:2

परमप्रभु सियोन रे आ दारसम ग्‍योम्‍सीशा छेङछेङ दुम्‍शा, ग्रूशो बाक्‍ब। यसैया ६२:१

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

भजन संग्रह 72:15

मेको शुश नाक्‍त ब्रोंइल। शेबा ङा सुन मेको कली चाक्‍गमेक्‍ल। मुरपुकीमी मेको आ पर्बम प्रार्थना पस ङा पस पामेक्‍ल। नाक्‍त रे मेको कली आसीक गेमेक्‍ल।

भजन संग्रह 95:2

“गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।

भजन संग्रह 96:6

मान ततीके नु नेल्‍ल क्‍येङा ठेयब दुम्‍तीके मेको नु बाक्‍ब। मेको आ बाक्‍तीक सक्ति नु छेङछेङम ब्रीशो बाक्‍ब।

भजन संग्रह 96:7

गे रागीम बाक्‍ब खिं खिं ङा मुरपुकीमी परमप्रभु यावे कली “गे सक्ति नु छेङछेङ पाइश्‍शो बाक्‍नीनी” दे ठेयब सेलीन।

भजन संग्रह 96:9

रिम्‍शो पतीकेमी ग्‍योम्‍सीशा, परमप्रभु यावे कली “गे ठेयब बाक्‍नीनी” दे लोव़ पने। रागी ङा मुर नेल्‍ले मेको आ ङोंइती मेको कली मान पा ख्रिंख्रि पने।

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

इजीकीएल 24:25

मिनु “ए मुर, मेको नाक्‍ती गो मेको आन ख्रुइश्‍शा बाक्‍तीक, आन नेल्‍ल क्‍येङा दाक्‍शो, आन सक्ति, आन कोव़त दाक्‍शो नु आन थुंम दाक्‍शो नु आन तमी तौ नेल्‍ल आन कली लाइनुङमी।

इजीकीएल 7:20

मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।

प्रकाश 7:12

मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म।

१ सामुएल 6:5

गे इन कान खोदेंशो सुन के कान नु रागी कली खतम पोक्‍ब यिच खोदेंशो पा सुन के यिच सेलीन। मिनु इस्राएली आन परमप्रभु कली मान पने। मिनु मेकोमी इन कली, इन देवी देवता आन कली नु इन रागी कली श्‍येत गेचा प्रोंइबा कों?