१ इतिहास 16:27 - Sunuwar Bible

²⁷ ठेयब दुम्‍तीक नु मान ततीक मेको नु बाक्‍नीस। सक्ति नु ग्‍येरतीक मेको आ बाक्‍तीकेम बाक्‍नीस।

१ इतिहास 16:27 ပူးပေါင်းရင်းမြစ်များ

१ इतिहास 16:26

मारदे हना जात जात ङा मुर आन देवी देवता नेल्‍ल मूर्ति बाक्‍नीम। तन्‍न परमप्रभु यावेमी सरीङ सेल्‍शो बाक्‍ब।

१ इतिहास 16:28

जात जात ङा खिं खिं ङा मुरपुकीमी परमप्रभु यावे कली ‘छेङछेङ नु सक्ति इन के बाक्‍ब’ दे ठेयब सेलीन। भजन संग्रह २९:१२

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

भजन संग्रह 8:1

परमप्रभु यावे, आंइ परमप्रभु, रागी नेल्‍लेमी इन नें ठेयब बाक्‍ब। गे इन छेङछेङ सरीङ क्‍येङा आइक्‍था वोइक्‍तीनी। प्रस्‍थान ३:१३-१५

भजन संग्रह 96:6

मान ततीके नु नेल्‍ल क्‍येङा ठेयब दुम्‍तीके मेको नु बाक्‍ब। मेको आ बाक्‍तीक सक्ति नु छेङछेङम ब्रीशो बाक्‍ब।

इजीकीएल 1:27

मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त।

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१