१ इतिहास 16:23 - Sunuwar Bible

²³ रागी ङा मुर नेल्‍लेमी परमप्रभु यावे कली कुम्‍सो पने। नाक्‍त किंत किंत आ श्‍येत रे प्रोंइशो आ पर्बम लोव़ पने।

१ इतिहास 16:23 ပူးပေါင်းရင်းမြစ်များ

१ इतिहास 16:24

रागी रागी ङा मुर आन दातेमी मेको आ सक्ति आ पर्बम लोव़ पने। जात जात ङा मुर आन दातेमी मेको आ पशो छक लाक्‍चा ङा गेय आ पर्बम लोव़ पने।

१ इतिहास 16:9

मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली मेको आ छक लाक्‍चा ङा गेय नेल्‍ल आन पर्बम लोव़ पने।

भजन संग्रह 30:4

परमप्रभु यावे कली टीबपुकी, मेको कली कुम्‍सो पने। मिनु आ नें ठेयब से‍लीन।

भजन संग्रह 40:10

गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।

भजन संग्रह 71:15

गो इन ठीक पतीके आ पर्बम लोव़ पाइनुङ। गे आं कली गिश खेयप प्रोंइ‍यीनी, मतुइक्‍ताक्‍ङ हना यो, गो इन श्‍येत रे प्रोंइतीके आ पर्बम नाक्‍त रे लोव़ पाइनुङ।

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

यसैया 12:5

परमप्रभु यावे कली ठेयब सेल्‍तीक कुम्‍सो पने। मारदे हना मेकोमी थम सक्ति पाइश्‍शो गेय पशो बाक्‍ब। एको लोव़ रागी नेल्‍लेमी ब्रपतीन।