१ इतिहास 16:11 - Sunuwar Bible

¹¹ परमप्रभु यावे नु मेको आ सक्ति मालीन। मेको नु बाक्‍चा कली माल्‍ना माल्‍न बाक्‍कीन।

१ इतिहास 16:11 ပူးပေါင်းရင်းမြစ်များ

१ इतिहास 16:10

मेको आ ठेयब नें आ पर्बम ग्‍येरसीन। परमप्रभु यावे कली माल्‍बपुकीमी ग्‍येरसीन।

२ इतिहास 6:41

परमप्रभु यावे, परमप्रभु, मुल बोक्‍कीन। गे नु इन सक्ति ङा कबल पशो सन्‍दोस इन नाइश्‍शा बाक्‍तीकेम जाक्‍कीन। परमप्रभु यावे, परमप्रभु, इन कली चढ़ेबपुकीम इन मुर आन कली पाप क्‍याम्‍तीक गेय पपतीन। मिनु इन कली थमा सुइक्‍ब इन रिम्‍शो पशो तशा ग्‍येरसमल। भजन संग्रह १३२:८

भजन संग्रह 24:6

मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। ठेयब सेंदा पा।

भजन संग्रह 4:6

शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५

भजन संग्रह 67:1

परमप्रभुमी इं कली शिशी पा आसीक गेवल। मिनु इं कली आ शिशी कोंइदल। ठेयब सेंदा पा।गन्‍ती ६:२४-२५

भजन संग्रह 68:35

परमप्रभु, इन बाक्‍तीकेमी हिंचा ङा बाक्‍नीनी। इस्राएली आन परमप्रभुम आ मुर आन कली सक्ति नु बोल गेब। परमप्रभु ठेयब बाक्‍ब।

भजन संग्रह 78:61

मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। भजन संग्रह १३२:८; १सामुएल ४:२१

भजन संग्रह 84:6

मेकोपुकी बाका माइश्‍शो गोरशो रागी ङा दिंम रे पा लमानु, मेकोपुकीमी मेकेर ब्‍वाक्‍कु बुक्‍शो रागी सेल्‍नीम। ङोंइती रेउ यिशा, ब्‍वाक्‍कु देम्‍ब।

आमोस 5:6

परमप्रभु यावे कली मालीने। मिनु ब्रोंइचा ताइनीनी। मो मपाइतीनी हना, मेको मी खोदेंशो पा गाइश्‍शा योसेफ आ खिंम मी सुइक्‍ब। बेथेल कली खतम पोक्‍ब। मेको मी कली काप्‍ब सुइ मबाक्‍नीम। आमोस ६:१२; यसैया ५:२०