१ इतिहास 15:3 - Sunuwar Bible

³ मिनु दाऊदम परमप्रभु यावे आ कबल पशो सन्‍दोस आ ठीक पशो बाक्‍तीकेम चाक्‍चा कली इस्राएली नेल्‍ल आन कली यरूसलेम सहरम पुक्‍मी बाक्‍त।

१ इतिहास 15:3 ပူးပေါင်းရင်းမြစ်များ

२ सामुएल 6:12

मिनु मुरपुकीमी दाऊद कली “परमप्रभु यावेमी, परमप्रभु आ सन्‍दोस वोइश्‍शो आ पर्बम ओबेद-एदोम आ खिं ङा मुर नु आ मारेइ मारेइ आन कली आसीक गेप्‍तु” दे मदमे बाक्‍त। मिनु दाऊद लशा, ओबेद-एदोम आ खिं रे थाम्‍पा ग्‍येरसीशा, मेको परमप्रभु आ सन्‍दोस आ सहरमी चाक्‍गा बाक्‍त।

२ सामुएल 6:17

मिनु मेकोपुकीम परमप्रभु यावे आ सन्‍दोस वोइक्‍चा कली दाऊदम कीशो ताम्‍बुम ओंइदमे बाक्‍त। मिनु दाऊदमी परमप्रभु यावे आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त।

१ राजा 8:1

मिनु नोले सोलोमनम इस्राएल ङा खाल्‍पा, इस्राएल ङा थर थर ङा ठेयब मुर नु इस्राएली आन खिं खिं ङा मुर आन कली दाऊद आ सहर, सियोन रे परमप्रभु यावे आ कबल पशो सन्‍दोस चाक्‍चा कली यरूसलेम सहरम बुक्‍चा कली ब्रेप्‍पाइक्‍मी बाक्‍त।

१ इतिहास 13:2

मिनु दाऊदम इस्राएल ङा ग्रुम्‍शो मुर नेल्‍ल आन कली “गेपुकी रिम्‍शो मिम्‍नीनी हना, नु परमप्रभु यावे इं परमप्रभु आ दाक्‍शो बाक्‍त हना, गो इस्राएल रागी नेल्‍लेमी लीशो इं मुरपुकी ‘मुर नेल्‍ल जाक्‍कीन’ दे लोव़ कुरब सोइक्‍तय। मेको आन दातेमी सहर आ एर ओंथ ङा बी ब्‍यफ योव़तीकेम बाक्‍ब चढ़ेब नु लेवीपुकी बाक्‍नीम। नेल्‍ल आन कली ‘जाक्‍कीन’ दे लोव़ कुरब मुर सोइक्‍तय।

१ इतिहास 13:5

मोपतीके दाऊद इजीप्‍त ङा खोला शीहोर रे लेबो-हमाथ सम्‍म इस्राएली नेल्‍ल पुक्‍मी बाक्‍त। मेको नेल्‍लेमी परमप्रभु आ सन्‍दोस किरयथ-यारीम रे चाक्‍चा माल्‍मे बाक्‍त।

१ इतिहास 15:1

दाऊदमी आ सहरमी आंम कली खिंपुकी सेला बाक्‍त। मिनु परमप्रभु आ कबल पशो सन्‍दोस वोइक्‍चा कली बाक्‍तीक का सेल्‍शा, ताम्‍बु का कीङा बाक्‍त।

१ इतिहास 15:12

मिनु मेको आन कली “गे लेवी आन खिं ङा ठेयब मुर ननी। परमप्रभु यावे, इस्राएली आन परमप्रभु आ सन्‍दोस आं ठीक पशो बाक्‍तीके कुइक्‍चा, दे इन कली नु इन खिं खिं ङा मुर आन कली ठीक सेलीन।

१ इतिहास 16:1

मिनु मेकोपुकीमी परमप्रभु आ कबल पशो सन्‍दोस चाक्‍शा, दाऊदमी कीशो ताम्‍बु आगाम वोदमे बाक्‍त। मिनु मेकोपुकीमी परमप्रभु आ ङोंइती चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।

२ इतिहास 1:2

मिनु सोलोमनम इस्राएली नेल्‍ल, हजार हजार नु सहे सहे ङा लडाइ पाइब आन कप्‍तान, निसाफ पाइबपुकी, इस्राएली आन ठेयब मुरपुकी नु आन खिं खिं ङा ठेयब मुर नेल्‍ल खुप्‍शा लोव़ पवा बाक्‍‍त।

२ इतिहास 1:4

मिनु दाऊदम ङोंइती परमप्रभु आ कबल पशो सन्‍दोस कली किरयथ-यारीम रे आ ठीक पशो बाक्‍तीके यरूसलेमम चाक्‍शो बाक्‍माक्‍त। मारदे हना मेको कली मेकेर ताम्‍बु का कीशो बाक्‍माक्‍त। १इतिहास १३:६; १इतिहास १५:३,२; १इतिहास १६:१

२ इतिहास 5:2

मिनु नोले सोलोमनम परमप्रभु यावे आ कबल पशो सन्‍दोस दाऊद आ सहर सियोन रे चाक्‍चा कली इस्राएल ङा खाल्‍पापुकी, इस्राएली आन थर थर ङा ठेयब मुर नेल्‍ले नु इस्राएली आन खिं खिं ङा ठेयब मुर आन कली यरूसलेममी बुक्‍चा, दे ब्रेत्‍तीमी बाक्‍त।

प्रस्‍थान 40:20

मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।

लेवी 9:5

मिनु मोसामी अरेशो खोदेंशो पा मेकोपुकीमी मारेइ मारेइ ग्रुम्‍तीक ताम्‍बु आ ङोंइती चाक्‍तेक्‍म। मिनु मुर नेल्‍ले परमप्रभु यावे आ ङोंइती जाक्‍शा राप्‍तेक्‍म।