१ इतिहास 15:28 - Sunuwar Bible

²⁸ मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

१ इतिहास 15:28 ပူးပေါင်းရင်းမြစ်များ

२ सामुएल 6:15

मिनु दाऊद नु इस्राएल आ खिं ङा मुर नेल्‍ल रेयके पना पन तुराही ताम्‍ना ताम्‍न परमप्रभु यावे आ सन्‍दोस चाक्‍गमे बाक्‍त।

२ सामुएल 6:5

मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।

१ इतिहास 13:8

मिनु दाऊद नु इस्राएली नेल्‍ले परमप्रभु आ ङोंइती ग्‍येरशा कुम्‍सो पना पन आइक्‍च नु ठेयब तार पाइश्‍शो ताप्‍तीके, खैजडी, बुप्‍केल नु तुराही ताप्‍शा, जोंब बोक्‍शा, सिल पामे बाक्‍त।

१ इतिहास 15:16

मिनु दाऊदम लेवी आन ठेयब मुर आन कली “इन खिं खिं ङा मुर कुम्‍सो पाइब योव़शा, वोइक्‍चा माल्‍नीनी। मेकोपुकी तार पाइश्‍शो ताप्‍तीके, बीना नु बुप्‍केल ताप्‍शा, ग्‍येरशा ठेयब सेंदा पा कुम्‍सो पचा माल्‍नीम” दे अरेमी बाक्‍त।

१ इतिहास 15:24

मिनु चढ़ेब शेबान्‍याह, योशाफात, नेथनेल, अमासै, जकरिया, बेनायाह नु एलीएजर परमप्रभु आ कबल पशो सन्‍दोस आ ङोंइती तुराही ताप्‍चा माल्‍बाक्‍मा बाक्‍त। ओबेद-एदोम नु येहीयाह यो सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।

१ इतिहास 15:27

मिनु दाऊद नु सन्‍दोस कुरब लेवी, कुम्‍सो पाइब नु केनानीयाह ताप्‍ब नु कुम्‍सो पाइब आन कली चलेब नेल्‍ल रिम्‍शो सुती के वा फेक्‍शो बाक्‍मा बाक्‍त। दाऊदम रिम्‍शो सुती वा के कुचु तार फेक्‍तीके यो फेक्‍शो बाक्‍माक्‍त। प्रस्‍थान २५:७

१ इतिहास 15:29

मिनु परमप्रभु यावे आ कबल पशो सन्‍दोस दाऊद आ सहरम ओंइदमेनु, सावल आ तमी, दाऊद आ मीश मिकालमी झेल रे कोव़ङा बाक्‍त। मिनु पिप दाऊद कली ग्‍येरशा सिल पशो तशा, आ थुंमी पिप कली आइक्‍च मिम्‍ता बाक्‍त।

१ इतिहास 25:1

दाऊद नु आ कप्‍तानपुकीमी आसाफ आ तौपुकी, हेमान आ तौपुकी नु येदुथून आ तौ आन कली परमप्रभु यावे आ सोक्‍तीम ब्रीशा आइक्‍च नु ठेयब तार पाइश्‍शो ताप्‍तीके नु बुप्‍केल ताप्‍चा कली योव़ङ‍मे बाक्‍त। मेको गेय पाइब आन नें ब्रेक्‍तमे बाक्‍त। १इतिहास १५:१९

नेहेम्‍याह 12:27

मिनु यरूसलेम ङा गारो प्रोव़ने थुम्‍तीक चाड कली लेवी आन कली आन आन बाक्‍तीक तेइ तेइ रे माल्‍शा, यरूसलेममी चाक्‍तेक्‍म। मारदे चाक्‍तेक्‍म देंशा हना, गारो थुम्‍तीके परमप्रभु यावे आ ङोंइती ग्‍येरसीशा “गे रिम्‍शो पाइब ननी” दे ठेयब सेल्‍तीक कुम्‍सो पचा नु खैजडी, तार पाइश्‍शो ठेयब ताप्‍तीके नु बीना ताप्‍चा कली चाक्‍तेक्‍म।

भजन संग्रह 47:6

परमप्रभु कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने। आंइ पिप कली ठेयब सेल्‍तीक कुम्‍सो पने। लेंशा ठेयब सेल्‍तीक कुम्‍सो पने।

भजन संग्रह 68:25

ङोंइङोंइती कुम्‍सो पाइबपुकी गाक्‍नीम। मेको आन नोले मार मार ताप्‍बपुकी गाक्‍नीम। मिनु मेको आन एर ओंथ खैजडी ताप्‍ब मीश आलपुकी गाक्‍नीम। प्रस्‍थान १५:२०