१ इतिहास 15:26 - Sunuwar Bible

²⁶ मिनु परमप्रभु यावेमी आ कबल पशो सन्‍दोस कुरब लेवी आन कली वारच पाइक्‍तीके मेकोपुकीम ७ ओटा ब्‍यफ नु ७ ओटा सांड चढ़ेमे बाक्‍त।

१ इतिहास 15:26 ပူးပေါင်းရင်းမြစ်များ

२ सामुएल 6:13

परमप्रभु यावे आ सन्‍दोस कुरब मुर ६ पैला गाक्‍शा नोले, मेकोपुकीम ब्‍यफ का नु दोम्‍शो बाछा का क्‍योरशा चढ़ेमे बाक्‍त। १राजा ८:५

१ इतिहास 29:14

मिनु गो आंइ थुंम ग्‍येरशा सोम्‍शा ओपा शुश गेने चाप्‍नीकी? गो सु नङा? आं मुरपुकी सु बाक्‍नीमी? मारदे हना नेल्‍ल थोव़क इन गुइ रे जाक्‍नीम। गोपुकीमी इन गेशो रे इन कली गेतक।

अय्‍युब 42:8

मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। १इतिहास १५:२६; इजीकीएल १४:१४

इजीकीएल 45:23

मिनु मेकोमी मेको चाड ङा ७ नाक्‍त नेल्‍लेम मारेइ मदुम्‍शो ७ ओटा बोहोर नु ७ ओटा सांड नाक्‍त किंत किंत चोशा चढ़ेचा माल्‍ब। मिनु चाड ङा नाक्‍त किंत किंत पाप आ पर्बम बोका का का यो चढ़ेचा माल्‍ब। गन्‍ती २८:१७-२५

गन्‍ती 23:29

मिनु बालाममी बालाक कली “एकेर आं कली ७ ओटा चढ़ेतीक सेलीन। मिनु ७ ओटा ब्‍यफ ७ ओटा सांड ठीक पने” देंत।

गन्‍ती 29:32

मिनु मेको आ दीसा गे ७ ओटा ब्‍यफ, सांड निक्‍शी १४ ओटा बर्स का गाप्‍शो पाठा चढ़ेचा माल्‍नीनी। मेको मारेइ मदुम्‍शो थम रिम्‍शो बाक्‍चा माल्‍नीम।

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

२ कोरिन्‍थी 2:16

गो जाम्‍शा लाइब आन कली बेक्‍चा ङा रिना नु पाप रे ब्रोंइशा बाक्‍ब आन कली ब्रोंइचा ङा रिना बाक्‍नीकी। मोदेंशो लोव़ शेंचा कली सुम जिम्‍मा ब्रने चाप्‍नीमी? लूका २:३४; २कोरिन्‍थी ३:५

२ कोरिन्‍थी 3:5

गो शेंदकानु, आंम जोक्‍तीक तुइक्‍तीक मकोंइनीकी। आंइ लोव़ शेंतीके परमप्रभु यावेमी पपाइश्‍शो बाक्‍ब, दे तुइक्‍नीकी। २कोरिन्‍थी २:१६

१ सामुएल 7:12

मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।