१ इतिहास 15:25 - Sunuwar Bible

²⁵ मिनु दाऊद नु इस्राएल ङा खाल्‍पा नु हजार हजार ङा लडाइ पाइब आन कप्‍तानपुकी ओबेद-एदोम आ खिं लशा, ग्‍येरशा परमप्रभु यावे आ कबल पशो सन्‍दोस चाक्‍गमे बाक्‍त।

१ इतिहास 15:25 ပူးပေါင်းရင်းမြစ်များ

१ राजा 8:1

मिनु नोले सोलोमनम इस्राएल ङा खाल्‍पा, इस्राएल ङा थर थर ङा ठेयब मुर नु इस्राएली आन खिं खिं ङा मुर आन कली दाऊद आ सहर, सियोन रे परमप्रभु यावे आ कबल पशो सन्‍दोस चाक्‍चा कली यरूसलेम सहरम बुक्‍चा कली ब्रेप्‍पाइक्‍मी बाक्‍त।

२ इतिहास 1:4

मिनु दाऊदम ङोंइती परमप्रभु आ कबल पशो सन्‍दोस कली किरयथ-यारीम रे आ ठीक पशो बाक्‍तीके यरूसलेमम चाक्‍शो बाक्‍माक्‍त। मारदे हना मेको कली मेकेर ताम्‍बु का कीशो बाक्‍माक्‍त। १इतिहास १३:६; १इतिहास १५:३,२; १इतिहास १६:१

२ इतिहास 5:2

मिनु नोले सोलोमनम परमप्रभु यावे आ कबल पशो सन्‍दोस दाऊद आ सहर सियोन रे चाक्‍चा कली इस्राएल ङा खाल्‍पापुकी, इस्राएली आन थर थर ङा ठेयब मुर नेल्‍ले नु इस्राएली आन खिं खिं ङा ठेयब मुर आन कली यरूसलेममी बुक्‍चा, दे ब्रेत्‍तीमी बाक्‍त।

एज्रा 6:16

मिनु नोले इस्राएल ङा मुरपुकी, चढ़ेबपुकी, लेवीपुकी नु लेश्‍शा जाक्‍शो ग्‍याइश्‍शा लाइक्‍चा पुंइसीब नेल्‍लेमी परमप्रभु आ खिं परमप्रभु कली “इन के बाक्‍ब” दे ग्‍येरसीशा जिम्‍मा गेम्‍तेक्‍म।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

गन्‍ती 31:14

मिनु मोसामी लडाइ रे ग्राशा, लेश्‍शा जाक्‍शो हजार का नु सहे का ङा कप्‍तान आन कली तशा गाइक्‍ताक्‍व।

ब्‍यवस्‍था 1:15

मोपतीके गो इन थर ङा निप्‍स पाइश्‍शो, तुइक्‍ब नु ठेयब मुरपुकी योव़शा, इन कली कोव़ब सेल्‍ता। मिनु इन थर थर ङा हजार का, सहे का, ५० नु १० जना मुर आन कली का का पा कोव़ब ठेयब मुरपुकी सेल्‍ताक्‍मी। आंम इन थर थर ङा मुरपुकी यो योव़ताक्‍मी। प्रस्‍थान १८:२५

ब्‍यवस्‍था 12:18

तन्‍न परमप्रभु यावे, इन परमप्रभु आ ङोंइती, आ योव़शो बाक्‍तीकेमी मेको गेपुकी नु इन तमी तौ, वाइलीम वाइल नु इन सहरम बाक्‍शो लेवीपुकी नु जने ब्‍वने। गेपुकी इन पशो नेल्‍लेमी परमप्रभु यावे, इन परमप्रभु आ ङोंइती ग्‍येरसीने। ब्‍यवस्‍था १४:२३

ब्‍यवस्‍था 12:7

मिनु गे नु इन खिं ङा मुर नेल्‍लेमी परमप्रभु यावे, इन परमप्रभुमी इन कली आसीक गेशो गेय मिम्‍चा, दे मेकेर परमप्रभु यावे, इन परमप्रभु आ ङोंइती जशा तूशा, ग्‍येरसीचा माल्‍नीनी।

ब्‍यवस्‍था 16:11

मिनु गेपुकी, इन तमी तौपुकी, वाइलीम वाइल, इन सहरम बाक्‍शो लेवी आ थर ङा मुरपुकी, इन दातेमी बाक्‍शो अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुर नेल्‍ल परमप्रभु यावे, इन परमप्रभु आ नें वोइक्‍चा कली नोले योव़शो बाक्‍तीकेमी मेको आ ङोंइती ग्‍येरसीचा माल्‍नीनी।

ब्‍यवस्‍था 16:15

मिनु गेपुकीमी परमप्रभु यावे, इन परमप्रभु आ योव़शो बाक्‍तीकेमी ७ नाक्‍त सम्‍म मेको चाड मानेचा माल्‍नीनी। मारदे हना परमप्रभु यावे, इन परमप्रभुमी इन कली बाली नाली शुश गेब नु इन मारेइ मारेइ पशोमी इन कली आसीक गेब। मोपतीके गेपुकी शुश ग्‍येरसीचा माल्‍नीनी।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 22:7

मिनु सावलमी आ एर ओंथ बाक्‍शो मुर आन कली “गे बेन्‍यामीन आ थर ङा मुर, आं लोव़ नेनीन। मार, येस्‍से आ तौमी नेल्‍ल इन कली रू नु अङगुर रू गेबा कों? नेल्‍ल इन कली सहे का ङा नु हजार का लडाइ पाइब मुर आन कप्‍तान सेल्‍बा कों, दे आस पाइ‍नीनी?

१ सामुएल 8:12

मिनु का निक्‍शी आन कली हजार का जना आन ठेयब मुर सेल्‍ब। का निक्‍शी आन कली ५० जना आन ठेयब मुर सेल्‍ब। मेको आ रू वाक्‍शा, आ बाली नाली रुप्‍ब सेल्‍ब। मिनु मेको आन लडाइ पतीक या नु बग्‍गी सेल्‍पाइक्‍ब।