१ इतिहास 15:23 - Sunuwar Bible

²³ बेरेक्‍याह नु एल्‍काना सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।

१ इतिहास 15:23 ပူးပေါင်းရင်းမြစ်များ

२ राजा 22:4

योसीयाहम मेको कली “ठेयब चढ़ेब हिल्‍कीयाह आ बाक्‍तीक लावो। मिनु लाप्‍चो खाल पाइबपुकीम ताक्‍शो, मुरपुकीम परमप्रभु यावे आ खिंम चाक्‍शो क्‍येट ठीक पा वोइक्‍चा माल्‍नीम, दे मतो। २राजा १२:११

२ राजा 25:18

मिनु पिप कली खाल पाइब आन ठेयब मुरुम ठेयब चढ़ेब सेरायाह नु मेको आ दी ङा सेफन्‍याह नु लाप्‍चो कोव़ब सां आन कली यो ग्‍याइश्‍शा लाइक्‍मी बाक्‍त।

२ राजा 7:10

मिनु मेकोपुकी लशा, सहर ङा ठेयब लाप्‍चो खाल पाइब आन कली ब्रेश्‍शा “गोपुकी अरामी आन बाक्‍तीक लाइतक। मिनु मेकेर मुर का यो मतक। मारेइ चाल चुल मबा। शारा नु गधापुकी पाइक्‍स ङा पाइक्‍स बाक्‍तेक्‍म। मिनु मुर आन ताम्‍बु यो मो प्रोंइशो बाक्‍तेक्‍म” देंमा बाक्‍त।

१ इतिहास 15:22

लेवी आन ठेयब मुर केनानीयाह कुम्‍सो पचा नु ताप्‍चा जोक्‍ब तुइक्‍ब बाक्‍तीके मेको आन कली चलेब दुम्‍माक्‍त।

१ इतिहास 15:24

मिनु चढ़ेब शेबान्‍याह, योशाफात, नेथनेल, अमासै, जकरिया, बेनायाह नु एलीएजर परमप्रभु आ कबल पशो सन्‍दोस आ ङोंइती तुराही ताप्‍चा माल्‍बाक्‍मा बाक्‍त। ओबेद-एदोम नु येहीयाह यो सन्‍दोस बाक्‍तीके ङा लाप्‍चो कोव़ब बाक्‍सा बाक्‍त।

भजन संग्रह 84:10

मिनु हजार का नाक्‍त ते ते बाक्‍चा क्‍येङा काबु नाक्‍त इन खिंम बाक्‍चा रिम्‍शो बाक्‍ब। इन अरेशो मटीब आन ताम्‍बुम बाक्‍चा क्‍येङा आं परमप्रभु आ खिं ङा लाप्‍चो खाल पाइब दुम्‍चा दाक्‍नुङ। भजन संग्रह २७:४

१ सामुएल 3:15

मिनु सामुएल नां सोव़म सम्‍म इम्‍माक्‍त। मिनु बोक्‍शा परमप्रभु यावे आ खिं ङा लाप्‍चो रोक्‍गा बाक्‍त। मिनु मेकोम परमप्रभु यावे आ देंशो नु कोंइशो लोव़ एली कली शेंचा हिंमाक्‍त।