१ इतिहास 15:2 - Sunuwar Bible

² मिनु नोले दाऊदम “लेवी आ थर ङा मरुमी ला परमप्रभु आ सन्‍दोस कुरचा माल्‍नीम” दे हुकुम पवा बाक्‍त। मारदे हना परमप्रभु यावेमी लेवी आन कली आ सन्‍दोस कुरचा नु गेना हना यो परमप्रभु आ गेय पचा कली योव़शो बाक्‍मा बाक्‍त।

१ इतिहास 15:2 ပူးပေါင်းရင်းမြစ်များ

२ सामुएल 6:13

परमप्रभु यावे आ सन्‍दोस कुरब मुर ६ पैला गाक्‍शा नोले, मेकोपुकीम ब्‍यफ का नु दोम्‍शो बाछा का क्‍योरशा चढ़ेमे बाक्‍त। १राजा ८:५

२ इतिहास 35:3

मिनु लेवीपुकी इस्राएली आन कली शेंब बाक्‍मा बाक्‍त। मेकोपुकी परमप्रभु यावे आ गेय ला पाइब बाक्‍मा बाक्‍त। मिनु पिपमी मेको आन कली “इस्राएल ङा पिप दाऊद आ तौ सोलोमनम सेल्‍शो परमप्रभु यावे आ कबल पशो सन्‍दोस परमप्रभु यावे आ खिंम वोतीन। मुल रे गेपुकीमी मेको कली इन बालाम कुरचा ममाल्‍नीनी। मुल परमप्रभु यावे, इन परमप्रभु नु आ मुर इस्राएली आन गेय पने। २इतिहास ५:४-५; १इतिहास २३:२६,२८; प्रस्‍थान २५:१३-१५

प्रस्‍थान 25:14

मिनु मेको कुरतीक कोक्‍के निक्‍शी मेको मुन्‍द्राम शुइक्‍चा माल्‍नेवे। मो पा मेको सन्‍दोस कली कुरने चाप्‍नीम।

यसैया 66:21

गो मेको आन दाते रे चढ़ेब नु लेवी योव़नुङमी” दे परमप्रभु यावेमी देंत।

गन्‍ती 3:6

“लेवी आ थर ङा मुर आन कली ब्रेश्‍शा, मेको आन कली चढ़ेब हारून आ ङोंइती राप्‍पाइक्‍मी। मिनु मेकोपुकीमी मेको कली वारच पचा माल्‍नीम। प्रस्‍थान ३२:२९

गन्‍ती 3:9

गे मेको लेवी आ मुर आन कली हारून नु आ तौ आन कली गेचा माल्‍नेवे। मेको इस्राएली आन दाते रे योव़शा हारून कली गेशो बाक्‍नीम।

गन्‍ती 7:9

तन्‍न मेकोमी कोहाथी आन कली मारेइ मगेमी। मारदे हना मेकोपुकीमी परमप्रभु यावे आ मार मार थोव़क कोव़चा नु आन बलाम कुरचा माल्‍बाक्‍तेक्‍म। गन्‍ती ४:१५

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७

ब्‍यवस्‍था 31:9

मिनु मोसामी परमप्रभु आ अरेशो लोव़ ब्रेक्‍शा, चढ़ेब, लेवी आ थर ङा मुर नु इस्राएली आन खाल्‍पा आन कली गेम्‍तीमी। मिनु लेवी आ थर ङा मुरपुकीमी चहिं परमप्रभु यावे आ सल्‍ला पतीक सन्‍दोस कुरशो बाक्‍तेक्‍म।

यहोसु 3:3

मिनु मेकोपुकीमी मुर आन कली “गेपुकी गेना परमप्रभु यावे, इन परमप्रभु आ कबल पशो सन्‍दोस चढ़ेब लेवीपुकीम कुरशो ताइनीनी, मेना छुल छाल बोक्‍शा, इन मारेइ मारेइ कुरशा, मेको आन नोले खोतीन।

यहोसु 6:6

मिनु नून आ तौ यहोसुमी चढ़ेब आन कली ब्रेश्‍शा, मेको आन कली “परमप्रभु यावे आ कबल पशो सन्‍दोस कुरीन। मेको ७ जना अरु चढ़ेबपुकी चहिं ७ ओटा ताप्‍तीक ग्रोव़ कुरशा, परमप्रभु यावे आ कबल पशो सन्‍दोस कुरब आन ङोंइती गाक्‍पतीन” देंत।