१ इतिहास 14:2 - Sunuwar Bible

² मिनु दाऊदमी “मुल परमप्रभु यावेम आं कली इस्राएली आन पिप सेल्‍ती। मिनु आ मुर इस्राएली आन पर्बम आ राज्‍य ठेयब नु मान ताइब सेल्‍शो बाक्‍ब” दे तुइक्‍ता बाक्‍त।

१ इतिहास 14:2 ပူးပေါင်းရင်းမြစ်များ

२ सामुएल 7:16

इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३

२ सामुएल 7:8

मोपतीके गे आं गेय पाइब दाऊद कली मुर नेल्‍ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्‍पाइक्‍चा कली भेडा योव़तीक रे चाक्‍तन। १सामुएल १६:११-१३; २सामुएल ५:२

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

१ इतिहास 14:1

टायर ङा पिप हीराममी आ लोव़ कुरबपुकी दाऊद आ बाक्‍तीकेम सोइक्‍ता बाक्‍त। मेको कुरब मुर नु दाऊद आ खिं सेल्‍चा कली लेबानोन ङा लाइश्‍शो रवा आ शी, गारो प्रोव़ब नु शी के गेय पाइब सोइक्‍तीमी बाक्‍त।

१ इतिहास 14:3

दाऊदमी यरूसलेमम बाक्‍मेनु, अर्को मीश चाक्‍मी बाक्‍त। मिनु शुश तमी तौ आन आफ दुम्‍माक्‍त।

१ इतिहास 17:17

मो हना यो परमप्रभु एको इन ङोंइती शुश ममाइ। परमप्रभु यावे, परमप्रभु, गेमी इन कबल इन गेय पाइब आ खिं कली शुश नोले सम्‍म कली बारपाइश्‍शो बाक्‍नीनी।

२ इतिहास 2:10

गो इन गेय पाइब रवा तिम्‍ब आन कली २० हजार कोर हिल्‍शो चेरब, २० हजार कोर क्‍योव़ज, २० हजार बाथ अङगुर शांबु नु २० हजार बाथ तेल गेनुङमी” दे लोव़ कुरब मुर सोइक्‍ता बाक्‍त। कोर का २२० लिटर पुक्‍तीके बाक्‍ब। बाथ का २२ लिटर बाक्‍ब।

२ इतिहास 2:11

मिनु टायर ङा पिप हुराममी चिठी का ब्रेक्‍शा, सोलोमन कली सोइक्‍ता बाक्‍त। मिनु मेकोमी “परमप्रभु यावेमी आ मुर आन कली दाक्‍तीके, इन कली मेको आन पिप सेल्‍तु।

एस्‍तर 4:14

मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७

दानीएल 2:30

गो मुर नेल्‍ल आन क्‍येङा शुश रुप्‍ने मचाप्‍नुङ। तन्‍न इन ङोमु आ अर्थ तुइक्‍पाइक्‍चा नु इन थुं ङा लोव़ रुप्‍पाइक्‍चा कली परमप्रभुमी मेको आं कली तुइक्‍पाइश्‍शो बाक्‍त। उत्‍पत्ती ४१:३९

गन्‍ती 24:7

मेको आन गरपुकीम ब्‍वाक्‍कु ब्रीशा क्‍युप्‍ब। मिनु मेको आन रू शुश ब्‍वाक्‍कु ताइनीम। मेको आन पिप अगाग क्‍येङा यो ठेयब बाक्‍‍ब। मिनु मेको आ राज्‍य ठेयब सेल्‍चा पुंइसीब।

ब्‍यवस्‍था 28:1

मिनु मोसामी “मुलाक्‍त गो इन कली माइश्‍शो परमप्रभु यावे, इन परमप्रभु आ देंशो नेल्‍ल होस पा टिशा, आ शेंशो पाइतीनी हना, परमप्रभु यावे, इन परमप्रभुमी इन कली नेल्‍ल रागी रागी ङा मुर आन क्‍येङा ठेयब सेल्‍ब। ब्‍यवस्‍था २६:१९