१ इतिहास 14:1 - Sunuwar Bible

¹ टायर ङा पिप हीराममी आ लोव़ कुरबपुकी दाऊद आ बाक्‍तीकेम सोइक्‍ता बाक्‍त। मेको कुरब मुर नु दाऊद आ खिं सेल्‍चा कली लेबानोन ङा लाइश्‍शो रवा आ शी, गारो प्रोव़ब नु शी के गेय पाइब सोइक्‍तीमी बाक्‍त।

१ इतिहास 14:1 ပူးပေါင်းရင်းမြစ်များ

२ सामुएल 7:2

मिनु पिपमी परमप्रभु यावे आ लोव़ पाइब नाथान कली “कोव़ङीन। गो लेबानोन ङा लाइश्‍शो रवा आ शी के सेल्‍शो खिंम बाक्‍शो बाक्‍नुङ। तन्‍न परमप्रभु आ सन्‍दोस चहिं ताम्‍बुम बाक्‍ब” देंमाक्‍त। भजन संग्रह १३२:३-५

१ राजा 5:1

टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११

१ राजा 5:15

सोलोमन के ७० हजार कुरब नु ८० हजार फुल्‍लु ख्रोइक्‍ब मुर पहाडम बाक्‍मा बाक्‍त।

१ राजा 5:18

मोपा सोलोमन नु हीराम आस मुरपुकी नु गेबाल ङा मुरपुकीम खिं सेल्‍चा कली फुल्‍लु ख्रोइश्‍शा शी ठीक सेल्‍मे बाक्‍त। यहोसु १३:५; इजीकीएल २७:९

१ राजा 5:6

मोपतीके गे आं कली लेबानोन रे लाइश्‍शो रवा क्‍योरशा चाक्‍चा हुकुम गेयीनी। आं गेय पाइबपुकी, इन गेय पाइबपुकी नु गारशा गेय पाइनीम। मिनु गे इन गेय पाइब आन कली दोशो गाल्‍च गेचा देंनीनी, गो मेको गेनुङमी। सीदोनी खोदेंशो पा शी क्‍योरस जोक्‍ब एक आंइ दातेमी सुइ मबाक्‍नीम” दे लोव़ कुरब मुर सोइक्‍ता बाक्‍त।

१ इतिहास 14:2

मिनु दाऊदमी “मुल परमप्रभु यावेम आं कली इस्राएली आन पिप सेल्‍ती। मिनु आ मुर इस्राएली आन पर्बम आ राज्‍य ठेयब नु मान ताइब सेल्‍शो बाक्‍ब” दे तुइक्‍ता बाक्‍त।

१ इतिहास 17:1

मिनु दाऊद आ खिंम बाक्‍म नोले परमप्रभु यावे आ लोव़ पाइब नाथान कली “गो लेबानोन ङा लाइश्‍शो रवा आ शी के खिंम बाक्‍शो बाक्‍नुङ। तन्‍न परमप्रभु यावे आ कबल पशो सन्‍दोस ताम्‍बुम वोइश्‍शो बाक्‍ब” दे मदा बाक्‍त।

१ इतिहास 22:2

मिनु दाऊदमी “इस्राएलम बाक्‍ब अर्को रागी ङा मुर आन कली बुक्‍कीन” दे अरेवा बाक्‍त। मिनु मेको आन कली परमप्रभु आ खिं सेल्‍चा कली फुल्‍लु ख्रोइक्‍तीक गेय गेमी बाक्‍त।

२ इतिहास 2:2

मिनु सोलोमनमी ७० हजार कुरब मुर, ८० हजार पहाडम फुल्‍लु ख्रोइक्‍चा कली नु मेको गेय पाइब आन कली कोव़ब हजार सां ६ सहे मुर आन कली योव़मी बाक्‍त।

२ इतिहास 2:3

मिनु सोलोमनम टायर ङा पिप हुराम कली “गे आं आफ दाऊद कली आ खिं सेल्‍चा कली लेबानोन ङा लाइश्‍शो रवा आ शी सोइश्‍शो बाक्‍‍तीनी। १इतिहास १४:१

एज्रा 3:7

मिनु मेकोपुकीमी गारो प्रोव़ब नु शी के गेय पाइब आन कली क्‍येट गेम्‍तेक्‍म। मिनु पारसी ङा पिप कोरेसमी देंशो खोदेंशो पा सीदोन नु टायर ङा मुर आन कली लेबानोन ङा लाइश्‍शो रवा आ शी समुन्‍द्र रे पा योप्‍पा सम्‍म चाक्‍चा कली जचा तूचा थोव़क नु तेल गेम्‍तीमी। १राजा ५:१६-२५