१ इतिहास 13:6 - Sunuwar Bible

⁶ मिनु दाऊद नु इस्राएली नेल्‍ल बालाह ङोइश्‍शा लमा बाक्‍त। बालाह सहर यहूदा ङा किरयथ-यारीमम बाक्‍माक्‍त। मेकेर रे परमप्रभु, परमप्रभु यावे आ सन्‍दोस ब्रथ लमा बाक्‍त। परमप्रभु यावे सन्‍दोस तारी बाक्‍शो करूब आस दातेम बाक्‍शो बाक्‍माक्‍त। मेको परमप्रभु, परमप्रभु यावे आ सन्‍दोस बाक्‍माक्‍त। यहोसु १५:९

१ इतिहास 13:6 ပူးပေါင်းရင်းမြစ်များ

१ राजा 8:16

मारदे हना मेकोमी ‘गो आं मुर आन कली इजीप्‍त रे ग्रुंइशा चाक्‍गु रे मुल सम्‍म इस्राएल ङा तेकोइ थर ङा मुर आन सहरम आं नें बाक्‍ल, दे आं खिं सेल्‍चा कली मयोव़ङु। तन्‍न गो आं मुर इस्राएली आन कली सासन पचा कली दाऊद कली योव़ता’ देंत।

२ राजा 19:15

मिनु हिज्‍कीयाहम मेको परमप्रभु यावे आ ङोंइती प्राक्‍शा वोइश्‍शा “परमप्रभु यावे, इस्राएली आन परमप्रभु गे करूब आन तार बाक्‍नीनी। रागी ङा राज्‍य नेल्‍लेम गे का ला परमप्रभु बाक्‍नीनी। गे रागी नु सरीङ सेल्‍ब बाक्‍नीनी। प्रस्‍थान २५:२२; भजन संग्रह ८०:२

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

प्रस्‍थान 23:21

गेपुकी होस पा बाक्‍शा, आं देंशो टिने। गेपुकी मेको कली मगाइक्‍पतीन। मारदे हना आं नें मेको नु बाक्‍ब। मिनु मेकोमी इन हेंथे पतीक मक्‍याम्‍ब। यसैया ६३:१०

प्रस्‍थान 25:22

मिनु गो मेको सन्‍दोस सुम्‍तीके शिशी बाक्‍तीकेम गे नु ग्रुम्‍शा, लोव़ पाइनुङ। मेको सुम्‍तीके आ तारी मेको करूब निक्‍शी आस दाते रे गो इस्राएली आन कली मार मार अरेचा माल्‍नुङा, मेको गो इ कली देंनुङ। गन्‍ती ७:८९; २सामुएल ६:२

यसैया 37:16

“मुर नेल्‍ल आन परमप्रभु यावे, इस्राएली आन परमप्रभु, गे करूब आस तार बाक्‍ब बाक्‍नीनी। गे ला रागी नेल्‍ल ङा राज्‍य ङा परमप्रभु बाक्‍नीनी। सरीङ नु रागी इन सेल्‍शो बाक्‍नीस।

गन्‍ती 6:27

मेकोपुकीमी मोदेंशो लोव़ पा, आं नें इस्राएली आन तार वोइक्‍चा माल्‍नीम। मिनु गो मेको आन कली आसीक गेनुङमी” दे मोसा कली देंत।

गन्‍ती 7:89

मिनु मोसा परमप्रभु यावे नु लोव़ पचा कली ग्रुम्‍तीक ताम्‍बुम ओव़मेनु, मेकोमी कबल पशो सन्‍दोस सुम्‍शो शिशी बाक्‍तीके, करूब निक्‍शी आस दाते इर रे लोव़ पशो नेंतु। मोपा मेकोमी मोसा नु लोव़ पाप्‍तु। प्रस्‍थान २५:१७-२२; प्रस्‍थान २९:४२; प्रस्‍थान ३३:७; १सामुएल ३:३-१४

यहोसु 15:60

किरयथ-बाल, मेको कली किरयथ-यारीम यो देंनीम नु रब्‍बाह बाक्‍नीम। मेको नेल्‍ल पा सहर निक्‍शी नु आस नेक्‍था ङा गाउं नेल्‍ल यो बाक्‍नीम। यहोसु ९:१७; यहोसु १८:१४

यहोसु 15:9

मेको सांद डांडा आ थेपील रे नेप्‍तोआह नें पाइश्‍शो ब्‍वाक्‍कु बुक्‍तीके जाक्‍दीश्‍शा, एफ्रोन पहाड ङा सहर सम्‍म जाक्‍दीश्‍शो बाक्‍त। लेंशा मेको सांद मेको किरयथ-यारीम, मेको कली बालाह यो देंनीम, सम्‍म जाक्‍दीश्‍शो बाक्‍त। यहोसु १५:६०; यहोसु ९:१७; यहोसु १८:१५

यहोसु 9:17

मिनु इस्राएली गाक्‍शा, सां नाक्‍तीमी मेको आन सहर जाक्‍दीत्‍तेक्‍म। मेको आन सहर गिबोन, केफीरा, बेयरोथ नु किरयथ-यारीम बाक्‍तेक्‍म।

१ सामुएल 4:4

मोपतीके मुरपुकीमी शिलोम मुर सोइक्‍तमे बाक्‍त। मिनु करूब आस दातेम बाक्‍ब मुर नेल्‍ल आन परमप्रभु यावे आ कबल पशो सन्‍दोस चाक्‍ग‍मे बाक्‍त। मिनु एली आ तौ होफ्‍नी नु फिनेहास परमप्रभु आ कबल पशो सन्‍दोस नु बाक्‍सा बाक्‍त। प्रस्‍थान २५:२२; २सामुएल ६:२

१ सामुएल 6:21

मिनु मेकोपुकीम किरयथ-यारीम ङा मुर आन कली लोव़ कुरब सोइश्‍शा, मेको आन कली “पलिस्‍तीपुकीम परमप्रभु यावे आ कबल पशो सन्‍दोस लेत्‍ताक्‍म। उइ यिशा, मेको इन बाक्‍तीकेम कुतीन” देंमा बाक्‍त। १इतिहास १३:६; भजन संग्रह ३२:३-६