१ इतिहास 13:5 - Sunuwar Bible

⁵ मोपतीके दाऊद इजीप्‍त ङा खोला शीहोर रे लेबो-हमाथ सम्‍म इस्राएली नेल्‍ल पुक्‍मी बाक्‍त। मेको नेल्‍लेमी परमप्रभु आ सन्‍दोस किरयथ-यारीम रे चाक्‍चा माल्‍मे बाक्‍त।

१ इतिहास 13:5 ပူးပေါင်းရင်းမြစ်များ

२ सामुएल 6:1

मिनु दाऊदमी इस्राएल ङा ३० हजार योव़शो मुर आन कली खुप्‍तीमी बाक्‍त।

१ राजा 4:21

सोलोमनम युफ्रेटीस खोला रे पलिस्‍ती आन रागी इजीप्‍त ङा सांद सम्‍म ङा राज्‍यम सासन पशो बाक्‍माक्‍त। मिनु मेको रागीम सोलोमन कली तिरो थाप्‍बाक्‍मा बाक्‍त। मिनु मेकोपुकी सोलोमन ब्रोंइम सम्‍म मेको आ गेय पाइब दुम्‍शा बाक्‍मा बाक्‍त। उत्‍पत्ती १५:१८

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

२ राजा 25:21

मिनु बेबीलोन ङा पिपम मेको आन कली हमाथ आ रागीम रिब्‍लाम साइक्‍पाइक्‍मी बाक्‍त। मोपा यहूदा ङा मुर आन रागी रे ग्‍याइश्‍शा लाइक्‍चा पुंइसमा बाक्‍त। २राजा २३:३३

१ इतिहास 13:4

मिनु मेको ग्रुम्‍शो मुर नेल्‍लेमी मेको लोव़ बिस्‍समा बाक्‍त। मारदे हना मुर नेल्‍लेमी मोदेंशो पचा दाक्‍तमे बाक्‍त।

१ इतिहास 13:6

मिनु दाऊद नु इस्राएली नेल्‍ल बालाह ङोइश्‍शा लमा बाक्‍त। बालाह सहर यहूदा ङा किरयथ-यारीमम बाक्‍माक्‍त। मेकेर रे परमप्रभु, परमप्रभु यावे आ सन्‍दोस ब्रथ लमा बाक्‍त। परमप्रभु यावे सन्‍दोस तारी बाक्‍शो करूब आस दातेम बाक्‍शो बाक्‍माक्‍त। मेको परमप्रभु, परमप्रभु यावे आ सन्‍दोस बाक्‍माक्‍त। यहोसु १५:९

१ इतिहास 15:3

मिनु दाऊदम परमप्रभु यावे आ कबल पशो सन्‍दोस आ ठीक पशो बाक्‍तीकेम चाक्‍चा कली इस्राएली नेल्‍ल आन कली यरूसलेम सहरम पुक्‍मी बाक्‍त।

यसैया 23:3

इन मुर ठेयब ब्‍वाक्‍कु शोक्‍शा, लशो बाक्‍तेक्‍म। शीहोरम शोक्‍शो अन्‍न नु नील खोला आ एर ओंथ खुप्‍शो इन ग्‍याप्‍तीक लेयतीक बाक्‍त। मिनु गे रागी रागी ङा मुर आन ग्‍याप्‍ब लेयब बाक्‍तीनी।

येरमीया 2:18

गे मारदे इजीप्‍त रागी लाइनीनी? नील खोला ङा ब्‍वाक्‍कु तूथ लाइनीनी? गे अस्‍सुर रागी लनीनु, मार रिम्‍शो दुम्‍बा ङा? गे युफ्रेटीस खोला ङा ब्‍वाक्‍कु तूथ लाइनीनी?

यहोसु 9:17

मिनु इस्राएली गाक्‍शा, सां नाक्‍तीमी मेको आन सहर जाक्‍दीत्‍तेक्‍म। मेको आन सहर गिबोन, केफीरा, बेयरोथ नु किरयथ-यारीम बाक्‍तेक्‍म।

१ सामुएल 6:21

मिनु मेकोपुकीम किरयथ-यारीम ङा मुर आन कली लोव़ कुरब सोइश्‍शा, मेको आन कली “पलिस्‍तीपुकीम परमप्रभु यावे आ कबल पशो सन्‍दोस लेत्‍ताक्‍म। उइ यिशा, मेको इन बाक्‍तीकेम कुतीन” देंमा बाक्‍त। १इतिहास १३:६; भजन संग्रह ३२:३-६

१ सामुएल 7:1

मिनु किरयथ-यारीम ङा मुर जाक्‍शा, परमप्रभु यावे आ कबल पशो सन्‍दोस लाइश्‍शा, डांडाम बाक्‍ब अबीनादाब आ खिंम चाक्‍दीत्‍मे बाक्‍त। मिनु मेको आ तौ एलाजर कली परमप्रभु यावे आ कबल पशो सन्‍दोस कोव़चा कली ठीक सेल्‍मे बाक्‍त। लेवी ८:-

१ सामुएल 7:2

मिनु मेको सन्‍दोस किरयथ-यारीमम वोइश्‍शो, शुश नाक्‍त दुम्‍शा, २० बर्स मेकेर बाक्‍माक्‍त। मिनु इस्राएली नेल्‍लेमी “परमप्रभु यावेम इं कली प्रोंइतु” दे सुर्ता पामे बाक्‍त। १सामुएल ६:२१; १सामुएल ४:२२; १इतिहास १३:६