१ इतिहास 13:2 - Sunuwar Bible

² मिनु दाऊदम इस्राएल ङा ग्रुम्‍शो मुर नेल्‍ल आन कली “गेपुकी रिम्‍शो मिम्‍नीनी हना, नु परमप्रभु यावे इं परमप्रभु आ दाक्‍शो बाक्‍त हना, गो इस्राएल रागी नेल्‍लेमी लीशो इं मुरपुकी ‘मुर नेल्‍ल जाक्‍कीन’ दे लोव़ कुरब सोइक्‍तय। मेको आन दातेमी सहर आ एर ओंथ ङा बी ब्‍यफ योव़तीकेम बाक्‍ब चढ़ेब नु लेवीपुकी बाक्‍नीम। नेल्‍ल आन कली ‘जाक्‍कीन’ दे लोव़ कुरब मुर सोइक्‍तय।

१ इतिहास 13:2 ပူးပေါင်းရင်းမြစ်များ

१ राजा 12:7

मिनु मेकोपुकीमी “मुलाक्‍त गे मेको मुर आन कली रिम्‍शो पाइतीनी हना, गे मेको आन गेय पाइब खोदेंशो दुमीन। मिनु मेको आन कली रिम्‍शो लोव़ पने। मिनु नोले मेकोपुकी गेना हना यो इन गेय पाइब दुम्‍नीम” देंमा बाक्‍त।

२ राजा 9:15

तन्‍न पिप येहोराम चहिं आ गार सापाइक्‍चा कली येज्रेल लशो बाक्‍माक्‍त। मेको गार अराम ङा पिप हजाएल नु लडाइ पवानु, अरामीपुकीम सेल्‍शो बाक्‍मा बाक्‍त। मिनु येहूमी मेको लडाइ पाइब आन ठेयब मुर आन कली “गे गो नु बाक्‍तीनी हना, सुइ मुर रामोथ-गिलाद सहर रे एको लोव़ शोव़चा कली येज्रेल रे ग्रूचा मतामेक्‍ल” देंमाक्‍त। २राजा ८:२८-२९

१ इतिहास 10:7

मिनु बेंसीम बाक्‍शो इस्राएली नेल्‍लेमी लडाइ पाइब प्रोक्‍शो नु सावल नु आ तौ बेक्‍शो तशा, मेको आन सहर प्रोंइशा प्रोक्‍मा बाक्‍त। मिनु पलिस्‍ती मेकेर जाक्‍दीश्‍शा, मेको सहर आन के सेल्‍मे बाक्‍त।

१ इतिहास 13:1

दाऊदम मार पचा माल्‍ताक्‍व हना यो, आ हजार हजार ङा लडाइ पाइब आन कप्‍तान नु सहे सहे ङा लडाइ पाइब आन कप्‍तान आन कली लोव़ पा सल्‍ला पाइबाक्‍माक्‍त।

१ इतिहास 13:3

गो इं परमप्रभु आ सन्‍दोस एक चाक्‍य। मारदे हना सावल बाक्‍म सम्‍म, गो मेको कली ममिम्‍तय” देंमाक्‍त।

प्रस्‍थान 18:23

गे आं देंशो पाप्‍तीवी हना, परमप्रभुमी यो इ कली मोदेंशो पचा गेब। गे मेको गेय फाल्‍ने चाप्‍नेवे। मिनु इ मुर नेल्‍ल दुशा गारशा, आंम आन बाक्‍तीके लाइनीम” दे यित्रोमी मोसा कली अर्ती गेप्‍तु।

हितोपदेस 15:22

अर्ती मनेंथु गेय पाइब आन गेय शोर गाक्‍शो बाक्‍ब। तन्‍न अर्ती गेब शुश बाक्‍तेक्‍म हना, मेको आन गेय रिम्‍शो दुम्‍ब। हितोपदेस ११:१४

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

१ सामुएल 31:1

पलिस्‍ती नु इस्राएली लडाइ पामे बाक्‍त। मिनु इस्राएली पलिस्‍ती आन क्‍येङा ब्रुशा प्रोक्‍मा बाक्‍त। शुश इस्राएली गिल्‍बोआ डांडाम साइक्‍चा पुंइसमा बाक्‍त।