१ इतिहास 13:11 - Sunuwar Bible

¹¹ दाऊदमी परमप्रभु यावे उज्‍जा‍ह आ पर्बम गाइश्‍शो तशा, चुरमाक्‍त। मिनु मेको बाक्‍तीके आ नें पेरेस-उज्‍जाह वोदा बाक्‍त। मेको आ नें मुल सम्‍म मेकोन बाक्‍ब।

१ इतिहास 13:11 ပူးပေါင်းရင်းမြစ်များ

उत्पत्ती 32:32

मोपतीके इस्राएलीपुकीमी मुल सम्‍म मेको बोंइसे ग्‍याइक्‍ब नारी नु मेकेर ङा श्‍ये मब्‍वाइनीमी। मारदे हना मेकोमी याकूब आ फिला ङा बोंइसे याक्‍ता बाक्‍त।

२ सामुएल 6:7

मिनु परमप्रभु यावे उज्‍जाह कली तशा, गाइक्‍ता बाक्‍त। मिनु परमप्रभुमी मेको आ गुइ दिंशा, सन्‍दोस थिशो तशा, आ सन्‍दोस आ नेक्‍था उइ सदा बाक्‍त। १सामुएल ६:१९; गन्‍ती ४:१५

२ सामुएल 6:9

मेको नाक्‍ती दाऊद परमप्रभु यावे क्‍येङा हिंमाक्‍त। मिनु “मुल गो परमप्रभु यावे आ सन्‍दोस दोपा लाइक्‍नुङा?” देंमाक्‍त।

१ इतिहास 13:10

मिनु परमप्रभु यावे उज्‍जाह क्‍येङा गाइश्‍शा, मेको कली सदा बाक्‍त। मारदे हना मेकोमी सन्‍दोस ग्‍याइक्‍चा कली आ गुइ दिंदा बाक्‍त। मोपतीके मेको परमप्रभु आ ङोंइती बेक्‍माक्‍त।

१ इतिहास 13:12

मेको नाक्‍ती दाऊद परमप्रभु क्‍येङा हिंमाक्‍त। मेकोमी “मुल ओं दुम्‍मेनु, गो परमप्रभु आ सन्‍दोस दोपा कोव़शा वोइक्‍नुङा?” देंमाक्‍त।

१ इतिहास 15:13

ङोंइती गे मेको कली मकुरतीके परमप्रभु यावे, इं परमप्रभु गोपुकी नु गाइक्‍ताक्‍व। मारदे हना गो मेको सन्‍दोस कली ठीक पा मचाक्‍क” देंमाक्‍त। १इतिहास १३:९-११

प्रस्‍थान 19:22

आं कली ग्रुम्‍थ कुइब चढ़ेबपुकी यो आंम कली चिक्‍शा ठीक दुम्‍चा माल्‍नीम। मो मपाम्‍तेक्‍म हना, गो मेको आन कली यो साइक्‍नुङमी” दें‍त।

योना 4:4

मिनु परमप्रभु यावेमी “इ गाइश्‍शो ठीक ममाइ” दे मदा बाक्‍त।

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

ब्‍यवस्‍था 34:6

मिनु परमप्रभुमी मोसा कली मोआब रागी बेथ-पेओर आ ङोंइती दिंम कामी थिम्‍तु। तन्‍न मुल सम्‍म मोसा आ तुरस सुइमी मतुइक्‍नीम।

यहोसु 4:9

मिनु यहोसुमी कबल ङा सन्‍दोस कुरशा चढ़ेबपुकी राप्‍तीकेमी यो यर्दन खोला आ दातेमी १२ ओटा फुल्‍लु वोइक्‍तु। मिनु मेको फुल्‍लुपुकी मुलाक्‍त सम्‍म बाक्‍नीम।