१ इतिहास 13:10 - Sunuwar Bible

¹⁰ मिनु परमप्रभु यावे उज्‍जाह क्‍येङा गाइश्‍शा, मेको कली सदा बाक्‍त। मारदे हना मेकोमी सन्‍दोस ग्‍याइक्‍चा कली आ गुइ दिंदा बाक्‍त। मोपतीके मेको परमप्रभु आ ङोंइती बेक्‍माक्‍त।

१ इतिहास 13:10 ပူးပေါင်းရင်းမြစ်များ

१ इतिहास 13:11

दाऊदमी परमप्रभु यावे उज्‍जा‍ह आ पर्बम गाइश्‍शो तशा, चुरमाक्‍त। मिनु मेको बाक्‍तीके आ नें पेरेस-उज्‍जाह वोदा बाक्‍त। मेको आ नें मुल सम्‍म मेकोन बाक्‍ब।

१ इतिहास 15:13

ङोंइती गे मेको कली मकुरतीके परमप्रभु यावे, इं परमप्रभु गोपुकी नु गाइक्‍ताक्‍व। मारदे हना गो मेको सन्‍दोस कली ठीक पा मचाक्‍क” देंमाक्‍त। १इतिहास १३:९-११

१ इतिहास 15:15

मिनु लेवीपुकीम परमप्रभु आ सन्‍दोस शुइश्‍शो कोक्‍केमी आन बलामी कुरमे बाक्‍त। परमप्रभु यावेम मोसा कली दोपा देंमे, मोपा मोसा आ शेंशो पामे बाक्‍त। प्रस्‍थान २५:१४; गन्‍ती ४:१५

गन्‍ती 16:35

मिनु परमप्रभु यावे रे मी ग्रूशा, मेको सहे निक्‍शी ५० जना धूप चोइब आन कली दाक्‍तु। लेवी १०:१-२; भजन संग्रह १०६:१७-१८

गन्‍ती 4:15

मिनु हारून नु आ तौपुकीमी मेको ग्रुम्‍तीक ताम्‍बु ङा मारेइ मारेइ सुम्‍ने थुम्‍मे नोले कोहाथीपुकी मेको कुरथ जाक्‍चा माल्‍नीम। तन्‍न मेकोपुकीमी परमप्रभु यावे आ मार मार थोव़क थिचा मदुम्‍नीम। मेकोपुकीम थिम्‍तेक्‍म हना, बेक्‍नीम। कोहाथीपुकीमी ग्रुम्‍तीक ताम्‍बु ङा कुरचा माल्‍शो थोव़क मेकोन बाक्‍नीम। गन्‍ती ७:९; २सामुएल ६:६-७

यहोसु 6:6

मिनु नून आ तौ यहोसुमी चढ़ेब आन कली ब्रेश्‍शा, मेको आन कली “परमप्रभु यावे आ कबल पशो सन्‍दोस कुरीन। मेको ७ जना अरु चढ़ेबपुकी चहिं ७ ओटा ताप्‍तीक ग्रोव़ कुरशा, परमप्रभु यावे आ कबल पशो सन्‍दोस कुरब आन ङोंइती गाक्‍पतीन” देंत।

१ सामुएल 6:19

मिनु परमप्रभु यावेमी बेथ-शेमेश ङा मुर आन दाते ङा ७० जना आन कली सदा बाक्‍त। मारदे हना मेकोपुकीम परमप्रभु यावे आ कबल पशो सन्‍दोस आगा कोव़ङमे बाक्‍त। मिनु परमप्रभु यावेमी मोदेंशो पशो आ पर्बम मुरपुकी रोंका पामे बाक्‍त। गन्‍ती ४:२०; २सामुएल ६:६-७