१ इतिहास 12:8 - Sunuwar Bible

⁸ मिनु गाद आ थर ङा मुर यो गोरशो रागीम दाऊद आ बोल्‍यो बाक्‍तीकेम जाक्‍शो बाक्‍मा बाक्‍त। मेको तेक्‍तीक नु तूतीक कुरशो जोक्‍ब तुइक्‍ब लडाइ पाइब बाक्‍मा बाक्‍त। मेको आन कुल गुप्‍स खोदेंशो हिंचा ङा बाक्‍मा बाक्‍त। रोकोश खोदेंशो पा दोरने चाप्‍ब बाक्‍मा बाक्‍त।

१ इतिहास 12:8 ပူးပေါင်းရင်းမြစ်များ

२ सामुएल 1:23

सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

२ सामुएल 17:10

मोदेंशो दुम्‍मेनु, महिंब गुप्‍स खोदेंशो थुं पाइश्‍शो लडाइ पाइब मुर यो हिंनीम। मारदे हना इस्राएली नेल्‍लेमी इन आफ बोल्‍यो लडाइ पाइब मुर बाक्‍ब, दे तुइक्‍नीम। मेको नु बाक्‍ब थम बोल्‍यो बाक्‍नीम, दे तुइक्‍नीम।

२ सामुएल 2:18

सेरूयाह आ तौ सांफा योआब, अबीशै नु आसाहेल मेकेर बाक्‍शो बाक्‍मा बाक्‍त। आसाहेल ब्‍वाकी ङा दोरब किश्‍श खोदेंशो रीब पा गेय पाइब बाक्‍माक्‍त। १इतिहास २:१६

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

१ इतिहास 11:16

दाऊद बोल्‍यो बाक्‍तीकेमी बाक्‍शो बाक्‍माक्‍त। मिनु पलिस्‍ती आन लडाइ पाइब बेथलेहेम सहरम बाक्‍शो बाक्‍मा बाक्‍त।

१ इतिहास 11:22

येहो-यादा आ तौ बेनायाह कब्‍सेल सहर ङा शुश बोल्‍यो लडाइ पाइब का बाक्‍माक्‍त। मेकोमी मोआब ङा अरीएल आ तौ निक्‍शी आस कली सदा बाक्‍त। फुं यिम नाक्‍त ढोडोङगाम बाक्‍ब गुप्‍स का सदा बाक्‍त।

१ इतिहास 12:16

मिनु बेन्‍यामीन आ थर नु यहूदा आ थर ङा का निक्‍शी मुर गोरशो रागीम दाऊद आ बोल्‍यो बाक्‍तीकेम जाक्‍मा बाक्‍त।

१ इतिहास 12:7

मिनु गेदोर ङा येरोहाम आ तौ योएलाह नु जेबदीयाह बाक्‍सा बाक्‍त।

१ इतिहास 12:9

मेको आन ठेयब मुर एजेर बाक्‍माक्‍त। एजेर आ नोले ङा ओबदिया बाक्‍माक्‍त। ओबदिया आ नोले ङा एलीआब बाक्‍माक्‍त।

२ इतिहास 25:5

मिनु अमस्‍याहम यहूदा नु बेन्‍यामीन ङा मुर नेल्‍ल आन कली ग्रुम्‍पाइश्‍शा, आन खिं खिं ङा मुर हजार हजार आन कली कप्‍तान का का नु सहे सहे ङा आन कली कप्‍तान का का वोइक्‍पदा बाक्‍त। मेकोमी २० बर्स गाप्‍शो नु मेको क्‍येङा लाक्‍शो मुर नेल्‍ल आन कली पुक्‍मी बाक्‍त। मेको आन कली हिक्‍शोनु, लाख सां बाक्‍मा बाक्‍त। मेको नेल्‍ल लडाइ पने चाप्‍ब बाक्‍मा बाक्‍त। तूतीक नु तेक्‍तीक चलेने चाप्‍ब बाक्‍मा बाक्‍त।

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

हितोपदेस 6:5

किश्‍श सिखारी आ गुइ रे ब्रोंइशो नु चिक्‍ब ग्‍याइक्‍ब आ गुइ रे बेरशो खोदेंशो पा, गे यो आंम कली प्रोनो।

ठेयब कुम्सो 8:14

आं दाक्‍शो मुर गे रीब पा मस्‍ला बाक्‍शो डांडा ङा किश्‍श खोदेंशो नु ठिटा रोकोश खोदेंशो दुमो।

येरमीया 46:9

शारापुकी दोरशा ङोंइती लने। बग्‍गी खुल्‍बपुकी थाम्‍पा दोरपतीन। लडाइ पाइबपुकी बारीने। कूश एथीयोपीया नु पूत ङा मुरपुकीमी तेक्‍तीक कुरनीम। लूद ङा मुरपुकीमी लिब्रा आप्‍नीम।

१ सामुएल 23:14

दाऊद जीफ ङा पहाड ङा गोरशो रागीमी बोल्‍यो ख्रुइश्‍शा बाक्‍तीकेमी ख्रुइश्‍शा बाक्‍माक्‍त। सावल मेको कली नाक्‍त किंत किंत माल्‍शा गाक्‍बाक्‍माक्‍त। तन्‍न परमप्रभुम दाऊद कली मेको आ गुइमी मगेवा बाक्‍त।

१ सामुएल 23:29

मेको नोले दाऊद डांडा ङोइश्‍शा एन-गेदी ङा बोल्‍यो ख्रुइश्‍शा बाक्‍तीक मेर बाक्‍माक्‍त।

१ सामुएल 24:22

मिनु दाऊदमी सावल नु कसम जवा बाक्‍त। मिनु सावल आ खिं लेम्‍माक्‍त। दाऊद नु आ मुरपुकी चहिं आन बोल्‍यो ख्रुइश्‍शा बाक्‍तीक पुक्‍खीम लेम्‍मा बाक्‍त।