१ इतिहास 12:39 - Sunuwar Bible

³⁹ मिनु मेको नेल्‍ले मेकेर जना जन, तूना तून नाक्‍त सां सम्‍म दाऊद नु बाक्‍मा बाक्‍त। मारदे हना मेको आन मुरपुकीम मेको आन कली जचा तूचा थोव़क ठीक पशो बाक्‍मा बाक्‍त।

१ इतिहास 12:39 ပူးပေါင်းရင်းမြစ်များ

उत्पत्ती 26:30

मिनु इसहाकम मेको आन कली भोज सेला बाक्‍त। मिनु मेकोपुकीम जामे, तूङमे बाक्‍त।

उत्पत्ती 31:54

मिनु मेको डांडामी याकूबमी चढ़ेतीके चढ़ेवा बाक्‍त। मिनु आ खिं ङा मुर आन कली “शोब्‍ले जने” दे गेवा बाक्‍त। मिनु जशा, मेको नाक्‍दो मेक उइ बाक्‍मा बाक्‍त। उत्‍पत्ती ३१:४२

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

२ सामुएल 19:42

मिनु यहूदा ङा मुर नेल्‍लेमी इस्राएल ङा मुर आन कली “पिप आंइ नेक्‍था ङा मुर बाक्‍ब। गे मारदे आंइ पर्बम गाइक्‍नीनी? मार, गो पिप आ शोंप जका? मार पिपमी गो आंइ कली मारेइ गेवा?” देंमा बाक्‍त। २सामुएल १९:१२-१३

२ सामुएल 6:19

मिनु दाऊदमी इस्राएली नेल्‍ल आन कली नु मेकेर देल्‍शो मीश मुर, वोंइश मुर नेल्‍ल आन कली शोब्‍ले का का, चोकटा का का श्‍ये, सोव़शो अङगुर शोब्‍ले गेमी बाक्‍त। मिनु मुर नेल्‍ल आन खिं खिं लेम्‍मा बाक्‍त।

१ इतिहास 11:10

मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।

१ इतिहास 12:38

मेको लडाइ पाइब नेल्‍ले दाऊद कली इस्राएल ङा पिप सेल्‍चा कली दाऊद आ बाक्‍तीक हेब्रोन सहरमी ठेयब फौज जाक्‍मा बाक्‍त। मिनु अरु इस्राएली नेल्‍लेमी यो दाऊद कली पिप सेल्‍चा, दे मिम्‍शो बाक्‍मा बाक्‍त।

१ इतिहास 12:40

मिनु आन नेक्‍था ङा मुर, इस्‍साकार आ थर, जबूलून आ थर नु नाप्‍ताली आ थर ङा मुर ङोन रे गधा, दल‍ओंठ, खच्‍चर नु ब्‍यफपुकीम जचा थोव़क चाक्‍शो बाक्‍मा बाक्‍त। मेकोपुकीम शुश फस, सोव़पाइश्‍शो फोव़शी गेडा, सोव़पाइश्‍शो अङगुर, अङगुर शांबु, तेल, बी ब्‍यफ, भेडा शुश चाक्‍शो बाक्‍मा बाक्‍त। मारदे हना, इस्राएली नेल्‍ल ग्‍येरशो बाक्‍मा बाक्‍त।