१ इतिहास 12:38 - Sunuwar Bible

³⁸ मेको लडाइ पाइब नेल्‍ले दाऊद कली इस्राएल ङा पिप सेल्‍चा कली दाऊद आ बाक्‍तीक हेब्रोन सहरमी ठेयब फौज जाक्‍मा बाक्‍त। मिनु अरु इस्राएली नेल्‍लेमी यो दाऊद कली पिप सेल्‍चा, दे मिम्‍शो बाक्‍मा बाक्‍त।

१ इतिहास 12:38 ပူးပေါင်းရင်းမြစ်များ

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

१ राजा 8:61

मोपतीके इं थुं नेल्‍लेमी परमप्रभु यावे, इं परमप्रभु कली जिम्‍मा गेसय। मुलाक्‍त खोदेंशो पा गोपुकीमी आ फुल्‍लुम मुशा ब्रेक्‍शो लोव़ टिना टिन, आ शेंशो पना पन बाक्‍य” देंमाक्‍त।

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

१ इतिहास 12:33

जबूलून आ थर ङा ५० हजार लडाइ पस जोक्‍ब मारेइ मारेइ या कुरब बाक्‍मा बाक्‍त। मेको आन थुं नेल्‍लेमी दाऊद कली वारच पाइब बाक्‍मा बाक्‍त।

१ इतिहास 12:37

यर्दन खोला आइक्‍ची हांबु, पूर्ब ङा रूबेन आ थर, गाद आ थर नु मनस्‍से आ उइक्थ थर ङा लाख का २० हजार मारेइ मारेइ या कुरब लडाइ पाइब बाक्‍मा बाक्‍त।

१ इतिहास 12:39

मिनु मेको नेल्‍ले मेकेर जना जन, तूना तून नाक्‍त सां सम्‍म दाऊद नु बाक्‍मा बाक्‍त। मारदे हना मेको आन मुरपुकीम मेको आन कली जचा तूचा थोव़क ठीक पशो बाक्‍मा बाक्‍त।

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

भजन संग्रह 101:2

गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७