१ इतिहास 12:32 - Sunuwar Bible

³² इस्‍साकार आ थर ङा इस्राएल ङा मुर तेको लां गाक्‍पाइक्‍चा माल्‍बा, मार मार पचा माल्‍नीम मारेइ मारेइ तुइक्‍ब सहे निक्‍शी कप्‍तान बाक्‍मा बाक्‍त। मेको आन खिं खिं ङा लडाइ पाइब मुर आन कप्‍तान बाक्‍मा बाक्‍त।

१ इतिहास 12:32 ပူးပေါင်းရင်းမြစ်များ

उत्पत्ती 49:14

इस्‍साकार बोल्‍यो गधा दुम्‍शा, भारी आस दातेमी इप्‍ब।

१ इतिहास 12:31

मनस्‍से आ उइक्‍थ थर ङा १८ हजार मुर बाक्‍मा बाक्‍त। मेको दाऊद कली पिप सेल्‍चा कली योव़शो मुर बाक्‍मा बाक्‍त।

१ इतिहास 7:4

मेको प्रोंइशा यो अरु मुर आन पाला पाला ङा खिं खिं ङा मुर आन कली हिक्‍शोनु ३६ हजार लडाइ पाइब मुर बाक्‍मा बाक्‍त। मारदे हना मेको आन के शुश मीश नु तौ बाक्‍मा बाक्‍त।

एस्‍तर 1:13

मिनु पिपमी “मुल मार पचा” दे जोक्‍ब तुइक्‍ब नु लोव़ पाप्‍तु। मेको जोक्‍ब तुइक्‍बमी ङोंइती रे पिप कली अर्ती गेबाक्‍मा बाक्‍त। मिनु ऐन कानुन जोक्‍ब तुइक्‍ब नेल्‍लेमी “मुल मार पचा” दे सल्‍ला पाम्‍तेक्‍म।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 24:5

बोल्‍यो लडाइ पाइब आन क्‍येङा जोक्‍ब तुइक्‍ब लडाइ पाइब रिम्‍शो बाक्‍नीम। मिनु बोल पाइश्‍शो मुर आन क्‍येङा जोक्‍ब तुइक्‍ब मुरुमी अधिकार ताइब।

उपदेसक 7:19

जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।

उपदेसक 9:18

लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

मीका 6:9

परमप्रभु यावेमी सहर कली “आं कली मान पा हिंचा इन कली श्‍येत रे प्रोंइतीक दुम्‍ब। गे थर ङा मुर नु सहर ङा ग्रुम्‍तीक ङा मुर आन लोव़ नेनीन।

मत्ती 16:3

मिनु नां दाम्‍मेनु ‘मुलाक्‍त फश गिवार पाइब। मारदे हना गोस्‍सुम सुम्‍‍शा, सरीङ लल जिशो बाक्‍ब’ देंनीनी। सरीङ कोव़शा हाक्‍बा, दे रेउ यीबा देंने चाप्‍नीनी। तन्‍न मुल मार दुम्‍चशो बाक्‍बा मेको आ चिन्‍ड मरुप्‍नीनी। मत्ती ११:४

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

ब्‍यवस्‍था 33:17

मेको आ लोक्‍ब आन दाते ङा नेल्‍ल क्‍येङा ठेयब मुर, योसेफ आ पिया तार दुम्‍ल। मेको ङोंइती जरमेशो बाछा खोदेंशो बाक्‍ब। मेको ताइब बाक्‍ब। मेको आ ग्रोव़ ब्‍वाकी ङा ब्‍यफ आ ग्रोव़ खोदेंशो बाक्‍ब। मेकोमी जात जात ङा मुर आन कली खेरशा, रागी आ सुर सम्‍म नेप्‍ब। मेकोपुकी एफ्राइम आ लाख लाख ङा मुर नु मनस्‍से आ हजार हजार ङा मुर बाक्‍नीम” देंत। उत्‍पत्ती ४६:२०