१ इतिहास 12:29 - Sunuwar Bible

²⁹ सावल आ खिं ङा मुर बेन्‍यामीन आ थर ङा हजार सां मुर बाक्‍त। तन्‍न सावल आ खिं ङा शुश मुर सावल कली मप्रोंइथु बाक्‍मा बाक्‍त।

१ इतिहास 12:29 ပူးပေါင်းရင်းမြစ်များ

उत्पत्ती 31:23

मिनु लाबानमी आ लोक्‍ब आन कली ब्रेश्‍शा, मेकोपुकी नु ७ नाक्‍ती सम्‍म याकूब कली माल्‍शा, गिलाद डांडाम ग्रुमा बाक्‍त। उत्‍पत्ती ३१:४७

२ सामुएल 3:19

आब्‍नेरमी बेन्‍यामीन आ थर ङा मुर नु यो लोव़ पवा बाक्‍त। नोले आब्‍नेर दाऊद आ बाक्‍तीक हेब्रोन लमाक्‍त। मिनु इस्राएली नु बेन्‍यामीन आ थर ङा मुर आन पचा देंशो लोव़ नेल्‍ल देंमाक्‍त।

२ सामुएल 8:17

अहीतुब आ तौ सादोक नु अबीयाथार आ तौ अहीमेलेक चढ़ेब बाक्‍सा बाक्‍त। सेरायाह ब्रेक्‍ब बाक्‍माक्‍त।

१ इतिहास 12:2

मेकोपुकी लिब्रा कुरब बाक्‍मा बाक्‍त। मिनु ग्‍युरा नु पेरा गुइ निम्‍फामी ब्रा नु हुरद आप्‍ने चाप्‍ब बाक्‍मा बाक्‍त। मेकोपुकी बेन्‍यामीन आ थर ङा सावल आ खिं खिं ङा मुर बाक्‍मा बाक्‍त।

१ इतिहास 12:30

एफ्राइम आ थर ङा २० हजार ८ सहे बोल्‍यो लडाइ पाइब नु आन खिं ङा ठेयब मुर बाक्‍मा बाक्‍त।

१ इतिहास 27:17

लेवी आ थर ङा केमुएल आ तौ हशाब्‍याह बाक्‍माक्‍त। हारून आ खिं ङा सादोक बाक्‍माक्‍त।