१ इतिहास 12:21 - Sunuwar Bible

²¹ मिनु मेकोपुकीमी दाऊद कली मार मार रोइक्‍ब आन पर्बम लडाइ पचा कली वारच पाइश्‍शो बाक्‍मा बाक्‍त। मारदे हना, मेको नेल्‍ल लडाइ पाइब नु कप्‍तान बाक्‍मा बाक्‍त।

१ इतिहास 12:21 ပူးပေါင်းရင်းမြစ်များ

१ इतिहास 11:10

मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।

१ इतिहास 12:20

मिनु दाऊद सिकलाग सहरम लामेनु, मेको आ बाक्‍तीक जाक्‍ब मनस्‍से आ थर ङा मुर आदनाह, योजाबाद, येदीएल, मिकाएल, योजाबाद, एलीहु नु सिल्‍लेथाइ बाक्‍मा बाक्‍त। मेकोपुकी मनस्‍से आ खिं ङा हजार का का ङा लडाइ पाइब आन कप्‍तान बाक्‍मा बाक्‍त।

१ इतिहास 5:24

मेको आन खिं खिं ङा मुर आन ठेयब मुर सु सु बाक्‍मा बाक्‍त देंशा हना, एफेर, इशी, एलीएल, अज्रीएल, येरमीया, होदावीयाह नु याहदीएल बाक्‍मा बाक्‍त। मेको नेल्‍ल बोल्‍यो लडाइ पाइब मुर बाक्‍मा बाक्‍त। मेको आन खिं ङा ठेयब मुर बाक्‍मा बाक्‍त।