१ इतिहास 12:19 - Sunuwar Bible

¹⁹ मिनु दाऊद पलिस्‍ती नु गारशा, सावल नु लडाइ पथ लमाक्‍त। मेना मनस्‍से आ थर ङा मुर का निक्‍शी सावल कली प्रोंइशा, दाऊद आ बाक्‍तीके जाक्‍मा बाक्‍त। तन्‍न पलिस्‍ती नु गारशा लडाइ चहिं मपामे बाक्‍त। मारदे हना पलिस्‍ती आन सासन पाइबपुकीमी आंम आंमा सल्‍ला पा दाऊद कली आ नु लडाइ मपपदमे बाक्‍त। मेकोपुकीम “मेकोमी आ होव़प सावल कली वारच पा, गो इं कली प्रोंइब। मिनु मो दुम्‍मेनु, गो लडाइ ब्रुइनय। गो बेक्‍नय” देमुमा बाक्‍त। १सामुएल २९:३-४

१ इतिहास 12:19 ပူးပေါင်းရင်းမြစ်များ

उत्पत्ती 43:23

मिनु मेकोमी “इन थुं नाइक्‍तीने, महिनीने। इन परमप्रभु, इन आफ आ परमप्रभुमी इन क्‍येट इन धोक्रोम कुर पवा माइ। गो इन क्‍येट ताक्‍ता” देंमाक्‍त। मिनु मेकोमी सिमियोन कली चाक्‍गा बाक्‍त। उत्‍पत्ती ४२:२४

२ सामुएल 17:25

अब्‍सालोमम योआब आ पा ङा इश्‍‍माएली इथ्रा आ तौ आमासा कली कप्‍तान सेला बाक्‍त। इथ्रामी अबीगेल कली ग्‍युंबे पवा बाक्‍त। अबीगेल, नाहाश नु सेरूयाह आस समी आ तमी बाक्‍माक्‍त। सेरूयाह योआब आ ममा बाक्‍माक्‍त।

१ इतिहास 12:20

मिनु दाऊद सिकलाग सहरम लामेनु, मेको आ बाक्‍तीक जाक्‍ब मनस्‍से आ थर ङा मुर आदनाह, योजाबाद, येदीएल, मिकाएल, योजाबाद, एलीहु नु सिल्‍लेथाइ बाक्‍मा बाक्‍त। मेकोपुकी मनस्‍से आ खिं ङा हजार का का ङा लडाइ पाइब आन कप्‍तान बाक्‍मा बाक्‍त।

जकरिया 8:2

मेकोमी मार लोव़ पाप्‍तु देंशा हना “गो सियोन आ पर्बम शुश रुश पाइ‍नुङ। गो मेको आ पर्बम थाम्‍पा रुश पा गाइश्‍‍शो बाक्‍‍नुङ” दे परमप्रभु यावेमी देंत। जकरिया १:१४

न्‍यायाधीस 6:34

मिनु परमप्रभु यावे आ सोक्‍तीम गिदोन कली सुमा बाक्‍त। मिनु तुराही ताप्‍शा, अबीएजेर आ मुर नेल्‍ल आन कली “आं नोले खोतीन” दे ब्रेत्‍ता बाक्‍त। न्‍यायाधीस ३:१०; न्‍यायाधीस ११:२९; न्‍यायाधीस १३:२५

१ सामुएल 29:10

मोपतीके दीसा सुनी कना बोक्‍शा, गे नु इ नोले खोइक्‍ब मुरपुकी आं गेशो सहरम लेतीन। दीसा सुनी कना बोक्‍कीन। मिनु नां सोव़म चोटीन लने” देंमाक्‍त।