१ इतिहास 11:9 - Sunuwar Bible

⁹ मोपा दाऊद शुश बोल्‍यो दुम्‍ना दुम्‍न लमाक्‍त। मारदे हना मुर नेल्‍ल आन परमप्रभु यावे मेको नु बाक्‍माक्‍त।

१ इतिहास 11:9 ပူးပေါင်းရင်းမြစ်များ

२ सामुएल 3:1

सावल नु दाऊद आस खिं ङा मुर शुश नाक्‍त सम्‍म लडाइ पस ङा पस बाक्‍मा बाक्‍त। मिनु दाऊद बोल्‍यो दुम्‍ना दुम्‍न लमाक्‍त। सावल आ खिं ङा मुर चहिं मचाप्‍ब दुम्‍ना दुम्‍न लमा बाक्‍त। २सामुएल ५:१०

२ सामुएल 5:10

मिनु दाऊद शुश ठेयब दुम्‍ना दुम्‍न लमाक्‍त। मारदे हना परमप्रभु यावे मुर नेल्‍ल आन परमप्रभु मेको नु बाक्‍माक्‍त। २सामुएल ३:३

१ इतिहास 11:8

मिनु दाऊदमी मेको सहर आ एर ओंथ ङा गारो तिक्‍तीक रे सहर नेल्‍ल आ एर ओंथ गारो हिरशा सेला बाक्‍त। मिनु योआबम लीशो ब्रेश्‍शो खिं लेंशा सेला बाक्‍त।

१ इतिहास 9:20

मेको क्‍येङा ङोंइती एलाजर आ तौ फिनेहास मेको आन कली कोव़ब ठेयब मुर बाक्‍माक्‍त। मिनु परमप्रभु यावे मेको नु बाक्‍माक्‍त। गन्‍ती२५:७-१३

एस्‍तर 9:4

मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।

अय्‍युब 17:9

मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६