१ इतिहास 11:5 - Sunuwar Bible

⁵ मिनु यबुसम बाक्‍ब मुरपुकीमी दाऊद कली “गे एक गेनायो जाक्‍ने मचाप्‍नेवे” देंमा बाक्‍त। मो हना यो दाऊदम सियोन ङा बोल्‍यो सहर ग्रामाक्‍त। मेको कली मुल सम्‍म दाऊद आ सहर देंनीम।

१ इतिहास 11:5 ပူးပေါင်းရင်းမြစ်များ

२ सामुएल 5:9

मिनु दाऊद मेको गारो हिरशो सहरम बाक्‍शा, मेको आ नें दाऊद आ सहर वोदा बाक्‍त। मिनु दाऊदमी मिल्‍लो रे पा आगा एर ओंथ नेल्‍ल सहर सेला बाक्‍त।

२ सामुएल 6:10

मिनु दाऊदमी परमप्रभु यावे आ सन्‍दोस आ बाक्‍तीके, दाऊद आ सहर, लाइक्‍ने मचबा बाक्‍त। मिनु आ खिं लाइक्‍चा आ पा ङा मेको गित्त आ खिं ङा मुर, ओबेद-एदोम आ खिंमी चाक्‍दीदा बाक्‍त।

२ सामुएल 6:12

मिनु मुरपुकीमी दाऊद कली “परमप्रभु यावेमी, परमप्रभु आ सन्‍दोस वोइश्‍शो आ पर्बम ओबेद-एदोम आ खिं ङा मुर नु आ मारेइ मारेइ आन कली आसीक गेप्‍तु” दे मदमे बाक्‍त। मिनु दाऊद लशा, ओबेद-एदोम आ खिं रे थाम्‍पा ग्‍येरसीशा, मेको परमप्रभु आ सन्‍दोस आ सहरमी चाक्‍गा बाक्‍त।

१ राजा 8:1

मिनु नोले सोलोमनम इस्राएल ङा खाल्‍पा, इस्राएल ङा थर थर ङा ठेयब मुर नु इस्राएली आन खिं खिं ङा मुर आन कली दाऊद आ सहर, सियोन रे परमप्रभु यावे आ कबल पशो सन्‍दोस चाक्‍चा कली यरूसलेम सहरम बुक्‍चा कली ब्रेप्‍पाइक्‍मी बाक्‍त।

१ इतिहास 11:4

मिनु दाऊद नु इस्राएल ङा लडाइ पाइब नेल्‍ले यरूसलेम लमा बाक्‍त। मेको यबुस सहर बाक्‍माक्‍त। मेकेर यबुसी बाक्‍शो बाक्‍मा बाक्‍त।

१ इतिहास 11:6

दाऊदमी “सु यबुसी आन कली ङोंइती लडाइ तोइबा, मेको नेल्‍ल क्‍येङा ठेयब कप्‍तान दुम्‍ब” देंशो बाक्‍माक्‍त। मिनु मेकेर ङोंइती सेरूयाह आ तौ योआब ङोंइसे बाक्‍त। मोपतीके मेको ठेयब कप्‍तान दुम्‍माक्‍त।

१ इतिहास 11:7

मिनु दाऊद मेको बोल्‍यो सहरम बाक्‍शो बाक्‍माक्‍त। मोपतीके मुरुमी मेको सहर कली दाऊद आ सहर देंमा बाक्‍त।

२ इतिहास 5:2

मिनु नोले सोलोमनम परमप्रभु यावे आ कबल पशो सन्‍दोस दाऊद आ सहर सियोन रे चाक्‍चा कली इस्राएल ङा खाल्‍पापुकी, इस्राएली आन थर थर ङा ठेयब मुर नेल्‍ले नु इस्राएली आन खिं खिं ङा ठेयब मुर आन कली यरूसलेममी बुक्‍चा, दे ब्रेत्‍तीमी बाक्‍त।

भजन संग्रह 122:5

मेकेर निसाफ पाइब आन नित्‍तीक बाक्‍नीम। मेकेर दाऊद आ चच युइ आन नित्‍तीके बाक्‍नीम।

भजन संग्रह 132:13

परमप्रभु यावेमी सियोन कली योव़शो बाक्‍ब। “आं बाक्‍तीके मेकेर बाक्‍ब” दे मिम्‍शो बाक्‍ब। भजन संग्रह ६८:१७; भजन संग्रह ७६:३

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 48:2

आ डांडा दारशो नु लाइश्‍शो बाक्‍ब। मुर नेल्‍ले मेको तशा ग्‍येरसीनीम। सियोन डांडा उत्तर गे बाक्‍ब। मेको ठेयब पिप आ बाक्‍तीक सहर बाक्‍ब। बिलाप २:१५; मत्ती ५:३५

भजन संग्रह 78:68

तन्‍न मेकोमी यहूदा आ खिं ङा मुर आन कली योव़तु। मेकोमी आ दाक्‍शो सियोन डांडा कली यो योव़तु। २इतिहास ६:६

भजन संग्रह 87:2

परमप्रभु यावेमी याकूब आ मुर आन बाक्‍तीके क्‍येङा सियोन सहर ङा गारो ङा लाप्‍चो दाक्‍ब।

भजन संग्रह 87:5

सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।

भजन संग्रह 9:11

सियोन डांडामी बाक्‍ब परमप्रभु यावे कली ठेयब सेल्‍तीक कुम्‍सो पने। जात जात ङा मुर आन कली आ पशो शेंदीने।

रोमी 9:33

मिनु “गो सियोनम फुल्‍लु का वोइक्‍नुङ। मेको फुल्‍लुमी मुर आन कली दाइल पपाइक्‍ब। मिनु शुश मुर मेको फुल्‍लुम थोक्‍सीशा राम्‍सीनीम। सुमी मेको कली थमा सुइक्‍बा, मेको खतम मदुम्‍ब” दे ब्रेक्‍शो बाक्‍ब। यसैया ८:१४; यसैया २८:१६

हिब्रू 12:22

तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११

प्रकाश 14:1

मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२

न्‍यायाधीस 19:10

तन्‍न मेको नाक्‍दो बाक्‍चा मबिस्‍से बाक्‍त। मेक रे बोक्‍शा, आ मीश, आ वाइल नु गधा निक्‍शी खुल्‍शा, मेकोपुकी यबुस आ आइदी जाक्‍दीम्‍मा बाक्‍त। यबुस सहर कली यरूसलेम यो देंबाक्‍मा बाक्‍त। न्‍यायाधीस १:२१; १इतिहास ११:४

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।